މާޒިޔާ އަތުން ވެސް ސީލައިފް ބަލިވެއްޖެ
މާޒިޔާ އަތުން ވެސް ސީލައިފް ބަލިވެއްޖެ
އާރޓިކަލްކިޔުމަށް ހޭދަވާނެކަމަށް ބެލެވެނީ : 0 މިނެޓް, 59 ސިކުންތު
ސީލައިފް ގްލޯބަލް ޤައުމީ ވޮލީބޯޅަ ލީގުގައި ރޭ ފިރިހެން ބައިން ކުޅުނު މެޗު، މާޒިޔާ ސްޕޯޓްސް އެންޑް ރެކްރިއޭޝަން ކްލަބް އަތުން ސީލައިފް ސްޕޯޓްސް ކްލަބް ބަލިވެއްޖެއެވެ.
ޒުވާނުންގެ މަރުކަޒުގެ އެތެރެ ކޯޓުގައި ރޭ ކުޅުނު މެޗުގައި ސީލައިފް ބަލިކޮށް މާޒިޔާ މޮޅުވީ ތިން ސެޓު ދެ ސެޓުންނެވެ.
މި މެޗުގެ ސެޓުތައް މާޒިޔާއަށް ގެންދެވިފައިވަނީ 23-25، 25-15، 16-25، 25-19، އަދި 15-12 އެވެ.
މި މެޗުގެ މޮޅު ކުޅުންތެރިޔާގެ މަޤާމު ހޯދީ މާޒިޔާގެ އަޝަންއެވެ.
ޤައުމީ ޓީމުގެ ގިނަ ކުޅުންތެރިން ހިމެނޭ ވަރުގަދަ ސީލައިފް މި މުބާރާތުން ނެރެމުން އަންނަނީ ދަށް ނަތީޖާއެކެވެ. ތިން މެޗު ކުޅުނުއިރު، އަދި އެންމެ މެޗަކުން ވެސް މޮޅުވެފައި ނެތެވެ.
މިއީ މާޒިޔާ، މި މުބާރާތުގައި ހޯދި ފުރަތަމަ މޮޅެވެ.
މި މުބާރާތުގައި މިއަދު ހަވީރު ކުޅޭނީ އަންހެން ބައިން ޏ.ފުވައްމުލަކު މިސްކިތްމަގު އެންމެންގެ ގުޅުމާއި ޕޮލިސް ކްލަބެވެ. ފިރިހެން ބައިން ދެން ކުޅޭ މެޗުގައި މިރޭ ބައްދަލުކުރާނީ މޯލްޑިވިއަން ރެކްރިއޭޝަން ކްލަބާއި ދިވެހި ސިފައިންގެ ކްލަބެވެ.
ޚަބަރާއިގުޅޭ އިތުރު ލިޔުންތައް
6 ޑިސެމްބަރ 2017