ގެންގުޅޭ ފޯނަކީ ތިމާގެ ހުރިހާ ކަމެއް ކަމަށް ހަދައިގެން އުޅޭ ޒުވާނުން ދަނީ ގިނަވަމުންނެވެ. އެފަދަ ޒުވާނުންނަށް ބަންގީގެ އަޑު އިވޭކަމަކަށް ނުވެއެވެ. ވީޑިއޯގައި ފެންނަނީ ޒުވާނަކު ގެއަށް ވަދެ ފޯނުން މިޔުޒިކު ޖަހައި އެއަށް ގެއްލި އޮއްވައި ނިދޭތަނެވެ. ނިދީގައި އޭނާއަށް މެދުވެރިވި ކަމަށް ބުނާ ކަންތައްތަކެކެވެ. އެކަންތައްތަކާއިއެކު އޭނާ މިދުނިޔެ ދޫކުރެއެވެ. ފަތިސްވުމުން އައިސް ނަމާދަށް ދިއުމަށް ގޮވިއިރު އޮތީ މަރުވެފައެވެ. އެހިނދު އޭނާގެ ހުރިހާ އުފަލެއް ކަމުގައި ދެކެމުން އައި ފޯނު ބާއްވާފައި ޖެހެނީ ކަފުންކުރެވި ކައްވަޅަށް ދާށެވެ. ވަޅުލެވޭށެވެ. އެހިސާބުން އެމީހަކަށް ޤިޔާމަތްވީއެވެ. ކައްވަޅުގެ ސުވާލުތަކާއި ހަމައިން ބަރުޒަޚުގެ ޢާލަމްގެ ކަންކަން ފެށިގެންދާނެއެވެ. އަޅުގަނޑުމެންގެ ތެރޭގައި ތިބި މިފަދަ ޒުވާނުން މި ވީޑިއޯ ބަލައިލުން ރަނގަޅެވެ. ގުޅުންހުރި ވީޑިއޯ: