މިރޭ ދެ ލޯންޗެއް ޖެހި ހިނގި އެކްސިޑެންޓުގައި އަނިޔާވި ބަންގްލަދޭޝް ފިރިހެނަކު އޭޑީކޭ ހޮސްޕިޓަލުގައި ފަރުވާ ދެމުން ދަނިކޮށް މަރުވެއްޖެ އެވެ.

މާލެއަތޮޅު ގުޅި ކައިރީން އިތާފުށި 3 ނަމަކަށް ކިޔާ ލޯންޗަކާއި އިތާފުށި 5 ނަމަކަށް ކިޔާ ލޯންޗް ޖެހި ހިނގި އެކްސިޑެންޓުގައި މަރުވެފައިވަނީ އެކްސިޑެންޓްވި އެއް ލޯންޗްގެ ފަޅުވެރިއެކެވެ. އޭނާ މަރުވެފައި ވަނީ އޭޑީކޭއަށް ގެނެސް ފަރުވާދެނިކޮށެވެ.

މައުލޫމާތުލިބިފައިވާގޮތުގައި އެކްސިޑެންޓުގައި އަނިޔާވެގެން މިހާތަނަށް މާލެ ގެނެސްފައި ވަނީ 8 މީހުންނެވެ. އޭގެތެރޭގައި ހިމެނެނީ ދިވެއްސަކާއި ހަތް ބިދޭސީންނެވެ.