އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 14 ސިކުންތު
ރާއްޖޭގައި އިސްލާމް ދީނާއި ދިވެހިންގެ މިނިވަންކަމާއި އިސްތިޤްލާލް ޙިމާޔަތްކޮށްދެއްވެވުން އެދި އަބަދުވެސް ﷲ ތަޢާލާގެ ޙަޟްރަތަށް ދުޢާކުރަމެވެ. މިދިވެހި ފަސްގަނޑުން އިސްލާމީ ވަންތަކަން ފުހެވިގެން ނުދިއުމަށާއި ބޭރުގެ ބާރާއި ނުފޫޒުތަކުން ސަލާމަތްކުރެއްވެވުން އެދިގެންނެވެ.
މިއަދުވެސް އަސަރާއިއެކު ދުޢާކުރީމެވެ. ސަޖިދައިގައިވެސް ދުޢާކުރީމެވެ. މިއަދަކީ މިފަދައިން ކުރި ދުޢާއެއްގައި ކަރުނަ އެޅުނު ފުރަތަމަ ދުވަހެވެ. ﷲ ތަޢާލާ މިވަނީ މުޅި ދިވެހި އުންމަތަށް ނަޞްރު ދެއްވަވައިފައެވެ.
މީސްތަކުންގެ މަކަރުވެރި ރޭވުންތައް ﷲ ތަޢާލާ މޮޅަށް ދެކެދެނެވޮޑިގެންވެއެވެ. ރައްޔިތުން ތިބީ ހެޔޮ ބަސް އަހައި ޤަބޫލުކޮށް ﷲ ތަޢާލާއަށް ކިޔަމަންތެރިކަން އަދާކުރަން ކަމުގައިވާނަމަ ﷲ ތަޢާލާ ނަބްރުދެއްވަވާނެތެވެ! އިން ޝާ ﷲ
ރައްޔިތުންގެ މަޖިލީހުގެ މިއަދުގެ އިންތިޚާބަކީ މަޖިލީހުގެ މެޖޯރިޓީ ސަރުކާރަށް ގެއްލުނުނަމަ ރައީސް ޑރ. މުޙައްމަދު މުޢިއްޒު އަޒުލުކޮށް ޕާކިސްތާނުގައި އިމްރާން ޚާނަށް ހެދިގޮތް ހަދާލަން ފުރުޞަތު ލިބޭނެކަމުގެ އުންމީދުގައި ބައަކު މޮޔަވި އިންތިޚާބެކެވެ. މިއިންތިޚާބުގައި ސަރުކާރަށް ލިބުނު ކާމިޔާބީއަކީ ﷲ ތަޢާލާގެ ދީނަށާއި މުޅި ދިވެހި ޤައުމަށް ލިބިގެންދިއަ ބޮޑު ކާމިޔާބީއެކެވެ. ދިވެހި ހުރިހާ ރައްޔިތުންނަށް ލިބުނު ނަޞްރެކެވެ. އިން ޝާ ﷲ
Advertisement
21 އޭޕްރީލް 2024