ސިހުރު ހެދިކަމަށް ތުހުމަތުގައި ފުނަދޫއިން ހައްޔަރުކުރި މީހާގެ ބަންދަށް 15 ދުވަސް ޖަހައިފިއެވެ.

ށ. ފުނަދޫ ދާއިރާގެ މަޖިލީހުގެ ގޮނޑިއަށް އަލަށް އިންތިހާބުވި މެމްބަރު މުހައްމަދު މަމްދޫހުއަށް ސިހުރު ހަދަމުން ދިޔަކަމުގެ ތުހުމަތުގައި ހައްޔަރުކުރި އުމުރުން 60 އަހަރުގެ ދިވެހި ފިރިހެނަކު ހައްޔަރުކޮށްފައިވަނީ ރޭގެ ވަގުތެއްގައެވެ. އޭނާގެ ބަންދާމެދު ގޮތެއް ނިންމުމަށް ހާޒިރުކުރީ ފުނަދޫ މެޖިސްޓްރޭޓް ކޯޓަށެވެ.

މިމީހާގެ ބަންދަށް 15 ދުވަސް ޖަހާފައިވާއިރު، ފުނަދޫގެ އިންތިޚާބީ މެންބަރަށް އަމާޒުކޮށް ސިހުރު ހަދަން އެރަށަށް އެރިކަމަށްބުނާ އެމީހާ، ސިހުރު ހަދާ ތަކެއްޗާއެކު ފުލުހުންގެ ބެލުމުގެ ދަށަށް ގެންދާ މަންޒަރު ފެންނަ ވީޑިއޯއެއް ސޯޝަލް މީޑިއާގައި ވަނީ ޢާންމުވެފައެވެ.

ފުލުހުން އަންނަނީ މި މައްސަލަ އިތުރަށް ތަޙްޤީޤުކުރަމުންނެވެ.