ޒިކުރާ މިސްކިތުގެ އައު އިމާރާތުގެ މަސައްކަތް މިއަހަރު ފަށާނެކަމަށް އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.

ޑރ.ޝަހީމް 'އެކްސް' ގައި ކުރެެއްވި ޕޯސްޓެއްގައި ވިދާޅުވީ މިއީ އަމިއްލަ ފަރާތެއްގެ އެހީގައި ތިން ބުރިއަށް ޢިމާރާތްކުރެވޭ މިސްކިތެއްކަމަށާއި މިސްކިތުގެ އަމަލީ މަސައްކަތް މިއަހަރުތެރޭ އިރާދަކުރެއްވިއްޔާ ފެށިގެންދާނެ ކަމަށެވެ.

މި ޕޯސްޓްގައި ޑރ.ޝަހީމް ވަނީ ޒިކުރާ މިސްކިތް އަލަށް އިމާރާތްކޮށް ނިމޭ އިރު ހުންނާނެ ގޮތުގެ ކުރެހުމެއްވެސް ދައްކާލައިފައެވެ.

މާލޭ ގެ ޒިކުރާ މިސްކިތް އަލަށް އިމާރާތްކޮށް ނިމޭ އިރު ހުންނާނެ ގޮތް. މިއީ އަމިއްލަ ފަރާތެއްގެ އެހީގައި ތިން ބުރިއަށް ޢިމާރާތްކުރެވޭ މިސްކިތެކެވެ. މިސްކިތުގެ އަމަލީ މަސައްކަތް މިއަހަރުތެރޭ އިރާދަކުރެއްވިއްޔާ ފެށިގެންދާނެ. pic.twitter.com/v0VsMyXV3G

— Mohamed Shaheem Ali Saeed (@Mohamedshaheem1) May 9, 2024

ކުރިން ހުރި ޒިކުރާ މިސްކިތް އެތަނުން ނަގަން ރައީސް ޔާމީންގެ ސަރުކާރުން ނިންމެވީ އެތަނުގައި ނަމާދުކުރެވޭނެ އިންތިޒާމްތަކާއެކު 10 ފަންގިފިލާގެ އިމާރާތެއް އެޅުމަށްކަމަށް ބުނެއެވެ. އެހެންނަމަވެސް އެ މިސްކިތް ހުރި ބިމުގައި ވަގުތީ މިސްކިތެއް އަޅައި 2021 ވަނަ އަހަރުގެ އޭޕްރިލް 23 ގައި ވަނީ ހުޅުވާފައެވެ.