މިއަދު އެންމެ ގިނަ ބައެއްގެ ސަމާލުކަން ލިބުނު އެއްކަމަކީ ޖަލުގައި ހައްޔަރުކޮށްފައިވާ ސިޔާސީ ހައްޔަރީންގެ އަނބިން އެއް މޭޒަކަށް ޖަމާވުމެވެ. އަނބިންގެ ފޮޓޯ ފެނުމުން ގިނަ ބައަކު ބުނަނީ ދެން ފެންނާނީ ޢާއިލާތަކުގެ ބޮޑު ޖަމިއްޔާއެއް ކަމަށެވެ.

ހައްޔަރުކޮށްފައިވާ ފުލުހުންގެ އަނބިންނާއި ސިފައިންގެ ބޭކަލުންގެ އަނބިންގެ ކިބައިންވެސް މިފަދަ މަންޒަރުތައް ފެނުމަކީ ދުރުކަމެއް ނޫން ކަމަށާއި މިއެންމެންގެ ޢާއިލާތަކުގެ ޖަމިއްޔާއެއް އުފައްދައިފިނަމަ އެ ޖަމިއްޔާ ވެގެންދާނީ ރާއްޖޭގެ އެންމެ ބޮޑު އެއް ޖަމިއްޔާއަށް ކަމަށްވެސް ގިނަ ބައަކު ބުނެއެވެ.

ސިޔަސީ ހައްޔަރިން ކިޔާ ބައަކު ނެތްކަމަށް ބުނެވުނު ނަމަވެސް ސިޔާސީ ހައްޔަރީން އެބަތިބިކަމަށް ޤަބޫލުކުރަންޖެހެނީ އެބޭފުޅުންނާއިމެދު ޝަރީއަތްތައް ކުރެވުނު ގޮތެވެ. އަދި އެބޭފުޅުންނާއިމެދު ޝަރީއަތް ކުރެވިފައިވަނީ ޝަރީއަތް ކުރުމުގެ ނިޒާމުން ބޭރުންކަން ސްޕްރީމް ކޯޓުގެ 1 ފެބްރުއަރީގެ އަމުރުގައިވެސް ފާހަގަކޮށްފައިވުމުންނެވެ. ސްޕްރީމް ކޯޓުގެ އަމުރުގައި 9 ބޭފުޅަކު މިނިވަންކުރުމަށް ގޮވާލެވުނީ އެ ސަބަބަށްޓަކައިކަން އަމުރުން ސާފުވެއެވެ.

މިސަރުކާރުގެ ފުރަތަމަ ޔޫތް މިނިސްޓަރު މަލީޙް ޖަމާލް މިއަދު ވިދާޅުވީ އެކަނބަލުންގެ ފިރިން ވަނީ ރަހީނުކުރެވިފައި ކަމަށެވެ. އެކަނބަލުންނަށް އަނިޔާކުރަމުން ގެންދާ ވެރިން ބަލިވެ އުފާވެރިކަން ލަސްތަކެއް ނުވެ ލިބޭނެ ކަމަށެވެ.

Firin raheenu koffa thibi anbeen. Inshah Allah haggah nasru dhevvaane. Aniyaaverin balive ufaaverikan lasthakeh nuve libigendhaane. pic.twitter.com/r6WgPSiwS8

— Mohamed Maleeh Jamal (@maleehjamal) February 28, 2018