ގޮވާމުގެ ބާވަތްތަކުން ފިޠުރު ޒަކާން ދައްކަން ބޭނުންވާ ފަރާތްތަކަށް އިސްލާމިކް މިނިސްޓްރީން އެފުރުސަތު މިއަދު ހުޅުވާލައިފިއެވެ.

އެމިނިސްޓްރީން ނެރުނު އިއުލާނެއްގައި ބުނެފައިވަނީ ގޮވާމުގެ ބާވަތްތަކުން ޒަކާތް ދައްކަން ބޭނުންވާ ފަރާތްތަކަށް އެފުރުސަތު ހުޅުވާލާފައިވަނީ މިއަދުން ފެށިގެން ރަމަޟާން މަހުގެ 29 ވާ އަންގާރަ ދުވަހުގެ ނިޔަލަށް ކަމަށާއި ޒަކާތް ދައްކަން ޖެހޭނީ އެބަޔަކު އަހަރުގެ ތެރޭގައި އާންމުކޮށް ކައި އުޅުނު ގޮވާމުގެ ބާވަތްތަކުން މީހަކަށް 2.4 ކިލޯ ކަމަށެވެ.

އިސްލާމިކް މިނިސްޓްރީން ހާމަކޮށްފައިވާ ގޮތުގައި ޒަކާތް ބަލައިގަންނާނީ ހެނދުނު 10:30 އިން މެންދުުރު 12:00 އަށެވެ އަދި މެންދުރު 13:00 އިން މެންދުރުފަހު 14:30 ގެ އިތުރުން ރޭގަނޑު 20:30 އިން 22:30 އަށް އަރަބިއްޔާ ސްކޫލް ހޯލުންނެވެ.

ގޮވާމުގެ އިތުރުން ލިބޭ ޒަކާތް އަންނަ ބުދަ ދުވަހުގެ ހެނދުނު 10:30 އިން ހަވީރު 17:00 އަދި ރޭގަނޑު 21:00 އިން 22:30 އަށް ކަމަށް އިސްލާމިކް މިނިސްޓްރީން ބުނެފައިވެއެވެ.