މިރޭ އިންޑިއާ އާއި ރާއްޖެ ވާދަކުރާ މެޗުން ދިވެހި ޤައުމީ ޓީމު މޮޅުވުން އެދި މުޅި ޤައުމު އަތުގުޅާލައިފިއެވެ. ރާއްޖޭގެ ހުރިހާ ރަށެއްވެސް މިއިން ޒަމާނެއްގައި ރަތް ނުވާވަރަށް ރަތްކޮށްލައިފިއެވެ. 

ހަމަ ކޮންމެ ރައްޔިތެއްގެވެސް ދުޢާއަކީ މިރޭގެ މެޗުން ދިވެހި ޤައުމީ ޓީމު މޮޅުވުމެވެ. މިރޭގެ މެޗުން މޮޅުވެއްޖެ ނަމަ ފައިނަލަށް ދެވޭނެތީއެވެ. (އެއްވަރުވިނަމަވެސް ދެވޭނެއެވެ.)  

ޒަމާނުންސުރެ ދިވެހިންނަކީ ފުޓްބޯޅައަށް ލޯބިކުރާބައެކެވެ. އަދި ކުޅިވަރުގެތެރެއިން ޤައުމީ އެއްބައިވަންތަކަން ދައްކަން މަސައްކަތްކުރާ ބައެކެވެ. މީގެ ކުރިންވެސް އެކަމުގައި ދިވެހި ރައްޔިތުން ވަނީ ނަމޫނާ ދައްކައިފައެވެ.