އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 45 ސިކުންތު
"ނިދުމަކީ ވެސް މަރުވުމެމެވެ. ވިސްނާ ބައަކަށް އިންޛާރެކެވެ. ތައުބާގެ މަތީގައި މެނުވީ ނުނިދަމާތޯއެވެ! ފަހަރުގައި ނިދުމަށްފަހު ދެން ހޭލެވޭނީ ޤިޔާމަތް ދުވަހުގައި ކަމަށްވެސް ވެދާނެއެވެ!"
اللهم خلقت نفسي وأنت توفاها ، لك مماتها ومحياها إن أحييتها فاحفظها وإن أمتها فاغفرْ لها اللهم إني أسألك العافية
އައްޒުމަރު ސޫރަތުގެ 42 ވަނަ ޢާޔަތުގައި ވަނީ މިފަދައިންނެވެ!
"ނަފްސްތައް މަރުވާހިނދު، އެ ނަފްސްތަކުގެ ފުރާނަތަކާއި، މަރުނުވެ ނިދާވަގުތުގައި ނިދާމީހުންގެ ފުރާނަތައް ހިއްޕަވަނީ ﷲ އެވެ. ދެން މަރުވުމަށް ކަނޑައަޅުއްވައިފިމީހެއްގެ ފުރާނަ، އެކަލާނގެ ހިފަހައްޓަވަތެވެ. އަދި އެނޫންމީހުންގެ ފުރާނަ، ކަނޑައެޅިގެންވާ މުއްދަތަކަށް (ހަށިތަކަށް) ފޮނުއްވަވަތެވެ. ހަމަކަށަވަރުން، އެކަންތަކުގައި ފިކުރުކުރާ ބައަކަށް ހެކިތަކެއްވާކަން ކަށަވަރެވެ." (އައްޒުމަރް: 42).
ބިރެއް، އިމެއް ނެތި މަޖާކޮށްލާފައި ނިދާ މީހުންނޭވެ! ބިރުވެތިވާށެވެ! ފާފައެއް ކުރެވުނު ނަމަވެސް ތައުބާވާށެވެ! ތައުބާ ނުވެ ނުނިދާށެވެ! ނިދީން ނުހޭލެވި އޮއްވާ ފުރާނަ ހިއްޕަވައިފިނަމަ ތިމާގެ ޙާލާއިމެދު ވިސްނައިލާށެވެ!
- މަޢްލޫމާތު: ޝައިޚް އިލްޔާސް ޖަމާލް
Advertisement
6 ޖުލައި 2022