ރަމަޟާން މަހަށް ޚާއްޞަކޮށްގެން ކާބޯތަކެތި ވީހައި ހެޔޮ އަގުގައި ވިއްކުމަށް އުފަންވެލި ޝޮޕްތަކާއި ރެޑްވޭވް ފިހާރަތަކުން ކުރަމުންގެންދާ މަސައްކަތްތަކުގެ ތެރެއިން ފިޔާ ބޮޑުތަނުން އަގުހެޔޮކޮށް ވިއްކަން ފަށައިފިއެވެ. 

އުފަންވެލި ޝޮޕްތަކުންވެސް އަދި ރެޑްވޭވްގެ ފިހާރަތަކުންވެސް މިހާރު ފިޔާ ކިލޯއެއް ވިއްކަނީ އެންމެ 8 ރުފިޔާއަށެވެ. އެހެނިހެން ބާވަތްތައްވެސް ބޮޑުތަނުން އަގުހެޔޮކޮށް ކަސްޓަމަރުންގެ ޖީބުތަކަށް ލުއިވާ ގޮތަށް ވިއްކަން އުފަންވެލި ޝޮޕްތަކުންނާއި ރެޑްވޭވްގެ ފިހާރަތަކުން ވިއްކަން ގެންދަނީ މަސައްކަތްކުރަމުންކަމަށް 2 ކުންފުނިންވެސް ބުނެއެވެ. 

ސަރުކާރުން ޖީއެސްޓީ ބޮޑުކުރުމުން ރައްޔިތުންނަށް އުފުލަންޖެހިފައިވާ ތަކްލީފްތައް ލުއިކޮށްދިނުމަށް މަސައްކަތްކުރަމުން ގެންދާ ކަމަށް އުފަންވެލި ޝޮޕްތައް ހިންގާ މަޑިހާ ކޮމްޕެނީންނާއި ރެޑްވޭވްގެ ފިހާރަތައް ހިންގާ ރެޑްވޭވް ގްރޫޕުން ބުނެއެވެ.