އާރޓިކަލްކިޔުމަށް ހޭދަވާނެކަމަށް ބެލެވެނީ : 0 މިނެޓް, 50 ސިކުންތު
އަހުރެމެންގެ ތެރެއިން ބައެއް މީހުންނަކީ މީހަކު ބޭނުންވެގެން އަންކަމެއް ކޮށްދެވޭނެ ޙާލަތުގައި ތިބޭ ބައެއް ނޫނެވެ. އަތުގައި ތަނަވަސްކަން ނެތް ޙާލުގަ ޢުމުރުން ދުވަސްވެ ގައިބާރު ދެރަވުމާއި އަތުގައި އެއްވެސް އެއްޗެއް ނެތުމާއި ނުކުޅެދުންތެރިކަން ހުރުން ފަދަ ކަންކަމާއި ގުޅިގެންވެސް މިފަދަ ޙާލަތު މެދުވެރިވެއެވެ.
މިޙާލަތުގައި ވެސް އެމީހާއަށް އެހެން މީހުންނަށްޓަކައި ކޮށްދެވިދާނެ ހެޔޮ ޢަމަލު ރަސޫލް ﷺ ވަނީ ޙަދީޘްފުޅުކުރައްވަވައިފައެވެ. އެއީ އެހެން މީހަކަށް އެއްވެސް ގޯނާއެއް، ނުކުރުމެވެ. އަނިޔާއެއް ނުކުރުމެވެ. ގެއްލުމެއް ނުދިނުމެވެ.
ތިމާގެ ގައިގައި ބާރުހުރިނަމަ އެހެން މީހުންނަށް ހެޔޮ ކަންކަން ކޮށްދޭށެވެ. ތަނަވަސްކަންހުރިނަމަ އެހީތެރިވެދޭށެވެ. އެއްވެސް މީހަކަށް އަނިޔާއަކަށްވާނެ އެއްވެސް ކަމެއް ނުކުރާށެވެ. އަދި އެއްވެސް މީހެއްގެ ހިތުގައި ޖެހޭފަދަ ބަހެއްވެސް ނުބުނާށެވެ. ޣީބަ ނުބުނާށެވެ. ޙަދީޘްފުޅުގައިވާފަދައިން އެމީހާގެ އަތާއި ދުލުގެ ނުބައިކަމުން އެހެން މީހުން ސަލާމަތްވެގެންވާ މީހަކަށްވެވޭނީ އެއިރުންނެވެ.
--ޝައިޚް އަބޫބަކުރު ޒައުދުގެ ދަރުސަކުން
Advertisement
25 ޖޫން 2023