މުހައްމަދު ޝާހިދާއި ޢަލީ އިރުފާނުގެ ނަން ބީއެމްއެލްގެ ބޯޑަށް އައްޔަނުކުރަން ސަރުކާރުން ހުށައަޅައިފިއެވެ.

މިދެ ބޭފުޅުންނަކީ މީގެ ކުރިން ސަރުކާރުގެ އެކި އިދާރާތަކުގައި އިސް މަގާމުތަކެއް ފުރުއްވާފައިވާ ބޭފުޅުންނެވެ.

އަލީ އިރުފާނަކީ ފިނޭންސް މިނިސްޓްރީގެ ޕަބްލިކް ފައިނޭންސް މޮޑަނައިޒޭޝަން އެންޑް ރީފޯމްގެ ޕްރޮޖެކްޓް ޑިރެކްޓަރެވެ. އަދި ވޯލްޑް ބޭންކުގެ ގްލޯބަލް ޕާޓްނާޝިޕް ފޯ އެޑިއުކޭޝަން، ފައިނޭންސް އެންޑް ގްރާންޓް އޮޕަރޭޝަންގެ ވޮއިސް ސެކަންޑީގެ މަގާމު ވެސް އަދާކުރައްވާފައިވެއެވެ. އަދި ޝާހިދަކީ މޯލްޑިވްސް ޕެންޝަން އޮފީހުގެ ކުރީގެ ޗީފް ފައިނޭންޝަލް އޮފިސަރު އަދި މީރާގައި އިސް މަގާމުތަކެއް އަދާކުރައްވާފައިވާ ބޭފުޅެކެވެ. 

މި ބޭފުޅުން އަހްޔަނުކުރުމާމެދު ހިއްސާދާރުންގެ މެދުގައި ވޯޓަށް އެހުން ޚާއްސަގޮތުން ކުރާ އަހަރީ އާންމު ޖަލްސާގައި އޮންނާނެއެވެ. މި ޖަލްސާ އޮންނާނީ މިމަހުގެ 21 ވަނަ ދުވަހުއެވެ.