ލޯގަނޑެއްގެ ކުރިމަތީގަ ހުރެގެން ކުރާ ނަމާދު ޞައްޙަވާނެތަ؟

ކިޔުންތެރިޔާގެ ސުވާލުގެ ޖަވާބަށް ދިއުމުގެ ކުރިން ބަހެއް ބުނެލާނަމެވެ. ފުރަތަމަ ކަމަކަށް (އެއީ ކުރެވޭވަރުގެ ކަމެއް ނަމަ ލޯގަނޑުގައި ފޮތިގަނޑެއް، ބެދްޝީތެއް ފަދަ އެއްޗެއް އަޅައި ނިވާކޮށްލުމުން ތިއަ ކަންބޮޑުވުން ފިލީއެވެ. އެއީ އަލަމާރިއެއްގެ ދޮރުފަތް ނަމަ އެއިގައި ފޮތިގަނޑެއް އަޅުވައިލުމަކީ އެހާ ބޮޑު ކަމެއްވެސް ނޫނެވެ.

ސުވާލުގެ ޖަވާބު ތިރީގައިވާ ލިޔުމުން ލިބިލައްވާނެއެވެ. އިން ޝާ ﷲ

މިހާރުގެ ކޮޓަރިތައް ކުޑަވެ ނަމާދުކުރާނެ ޖާގަ ކޮޓަރީގައި ނެތުމުން ލޯގަނޑު ހުންނަ އަލަމާރިފަދަ ތަކެތީގެ ކުރިމަތީގައި ހުރެގެން ނަމާދުކުރަން އޮންނަނީ ޖެހިފައެވެ. އެއީ އެއްވެސް މައްސަލައެއް ނޫނެވެ. ނަމަވެސް އެލޯޣަނޑު އެތަނުގައި ހުރިކަން އެނގިގެންވެސް ނުވާނެއެވެ. މާނައަކީ ނަމާދަށް ހުރެ އެއްވެސް ވަރަކަށް ލޯގަނޑަށް ބަލައި ހެދުން ފަދަ އެއްވެސް ކަމެއް ކޮށްގެން ނުވާނެއެވެ. ސަބަބަކީ ލޯގަނޑަށް ބެލޭނަމަ ނަމާދުން ބޭރު ފިކުރުތައް އަންނާނެތީއެވެ.

މިކަމާއި ގުޅިގެން ޝައިޚް ޙަސަން މޫސާ ފިކުރީ ވިދާޅުވެފައިވެއެވެ.

"ލޯގަނޑެއްގެ ކުރިމަތީ ހުރެގެން ކުރާ ޞައްޙަ ވާނެއެވެ. އެ ލޯނގަޑު ހުރީ ނަމާދު ކުރަން ހުރި މީހާއާ ދިމާލުން ކުރިމަތީގައި ކަމުގައިވެފައި، އަދި ނަމާދު ކުރާމީހާ ލޯގަނޑުން ފެންނަން ހުރިކަމުގައިވިޔަސް، އޭނާގެ ނަމާދު ޞައްޙަ ވެގެންވެއެވެ. އެހެނެއްކަމަކު ނަމާދަށް ހުންނަ މީހާ، އޭނާގެ ނަމާދުން ބޭރު ޚިޔާލުތައް ގެނުވާ ހުރިހާ ކަމަކުން ދުރުހެލިވުމަށް މަސައްކަތް ކުރަންޖެހޭނެއެވެ."