ކުރިއާލައި ހުކުރަށްދާން މަސައްކަތްކުރާ މީހުންވެސް އަންނަނީ ގިނަވަމުންނެވެ. ހަމަ އެއާއިއެކު ހުކުރަށް ދިއަ މީހުންގެ ދަފްތަރުގައި (ފަތުގައި) މަލާއިކަތުން ނުލިޔުއްވަވާނެ ގޮތަށް ހުކުރަށްދާ މީހުންގެ ނިޞްބަތްވެސް މަދެއް ނުވެއެވެ. އެހެންކަމުން ތިޜީގައިވާ ލިޔުން ވިދާޅުވެލައްވާށެވެ! ކަންކަން އިޞްލާޙްކޮށްލައްވާށެވެ!  

ހުކުރުގެ ޖަމާޢަތަށް ދިއަ ނަމަވެސް ދިއަ ނަމަވެސް ހުކުރު ނުލިބޭނެ ގިނަ ބައަކު ހުކުރުގެ ޖަމާއަތަށް ދެއެވެ.  

ފުރަތަމަ މީހުންނަކީ ހަފްތާ ތެރޭގައި ދެން ކުރަންޖެހޭ ނަމާދުތައް ނުކޮށް ހަމައެކަނި ހުކުރަށްދާ މީހުންނެވެ. އެއީ މުސްލިމުން ޢަމަލުކުރަން އޮތްގޮތް ކަމުގައި ނުވާތީއެވެ. ހަމައެކަނި ހުކުރު ކުރުމުން ނަމާދުކުރާ މީހަކަށް ނުވާނެ ކަމަށާއި ނަމާދުކުރާ މީހަކަށް ވެވޭނީ ނަމާދުތައް ތަރުތީބުން ކުރުމުން ކަމަށެވެ.  

އެކަން އެނގެނީ "ފަރުޟު 5 ނަމާދު ނުކޮށް ހުކުރު ނަމާދު ކުރީމާ ހުކުރު ނަމާދު ކުރި ނަމަވެސް އެމީހަކަށް ހުކުރު ނަމާދު ނުލިބޭނެ" ކަމަށް ޢިލްމްވެރިން ވިދާޅުވާ ބަސްފުޅުންނެވެ.  

ޢިލްމްވެރިން ވިދާޅުވަނީ ހުކުރުވިލޭރޭގެ ފަތިސް ނަމާދުނުކުރާ މީހުންވެސް ފުރަތަމަ ކުރަން ޖެހޭނީ ފަތިސްނަމާދުކަމަށެވެ. ސަބަބެއްކަމަށް ވިދާޅުވަނީ ނަމާދަކީ ތަރުތީބަކުން ކުރަންޖެހޭ ކަމަކަށްވުމުން ކަމަށެވެ. ވީމާ ހުކުރުގެ ޖަމާއަތަށް ގޮސްވެސް ފުރަތަމަ ކުރަންޖެހޭނީ ދަރަނި ކެނޑުން ކަމަށެވެ.  

ހުކުރަށް ދިއަ ނަމަވެސް ހުކުރަށް ދިއަކަމަށް މަލާއިކަތުންގެ ފަތުގައި ނުލިޔުއްވޭނެ ބައަކުވެއެވެ. އެއީ އިމާމް މީހާ ޚުޠުބާ ކިޔަން ފެށުމުން ޖަމާޢަތަށްދާ މީހުންނެވެ.  

Abu Huraira reported: The Messenger of Allah, peace and blessings be upon him, said,

“When Friday arrives, angels are over the door of every mosque to record those who arrive one by one. When the Imam sits to begin, they close their scrolls and come to listen to the reminder. The parable of one who comes early is that of one who offers a fine camel, the next like one who offers a cow, the next like one who offers a ram, the next like one who offers a chicken, the next like one who offers an egg.”

Source: Ṣaḥīḥ al-Bukhārī 887, Ṣaḥīḥ Muslim 850

Grade: Muttafaqun Alayhi (authenticity agreed upon) according to Al-Bukhari and Muslim 

މި ޙަދީޘްފުޅުން އެނގިގެންދަނީ އިމާމް މީހާ މިންބަރަށް އަރައި ޚުޠުބާކިޔަން ފެށުމުން، ހުކުރަށްދާ މީހުންގެ ނަން ލިޔުއްވަން މިސްކިތުގެ ދޮރާށީގައި ތިއްބަވާ މަލާއިކަތުން، އެބޭކަލުންގެ ފަތް ބަންދުކުރައްވަވައި ޚުޠުބާ އަޑުއައްސަވަން ފަށްޓަވާކަމެވެ. ވީމާ އެހިސާބުން ދެން ޖަމާއަތަށް ދާ މީހުންގެ ނަން ނުލިޔުއްވަވާނެތެވެ.

- އިސްލާމީ ތިލަފަތުގެ ދަރުސަކުން