· ކަދުރު: 

ކީރިތި ޤުރުޢާނުގައި ކަދުރުގެ ވާހަކަ 22 ފަހަރު އައިސްފައިވެއެވެ. 

" އަދި ތިމަންރަސްކަލާނގެ އުޑުން ބަރަކާތްތެރި ފެނެއް ވެއްސެވީމެވެ. އަދި އެއިން ބަގީޗާތަކާއި، ކަނޑާ ރައްކާކުރެވޭ ގޮވާމުގެ އޮށްޓަރު ފެޅުއްވީމެވެ. އަދި މަތިމައްޗައްހުރި އެތްތައް ނުކުމެފައިވާ ދިގު ކަދުރު ރުށްތައްވެސް ފެޅުއްވީމެވެ."

(50:9-10)

ކަދުރަކީ ސިއްޙަތައް ފައިދާކުރަނިވި އެތައް މާއްދާއެއް އެކުލެވޭ މޭވާއެކެވެ.   

· މޭބިސްކަދުރު: 

ކީރިތި ޤުރުއާނުގައި މޭބިސްކަދުރު އައިސްފައިވަނީ 11 ފަހަރެވެ.

"އެކަލާނގެ އެފެނުގެ ސަބަބުން ގޮވާމާއި، ޒައިތޫނި ގަހާއި، ކަދުރު ރުކާއި، މޭބިސްކަދުރާއި، އެންމެހައި މޭވާގަސްތައް ތިޔަބައިމީހުންނަށްޓަކައި ފަޅުއްވަތެވެ. ހަމަކަށަވަރުން، ފިކުރުކުރާ ބަޔަކަށް އެކަންކަމުގައި ހެއްކެއްވާކަންކަށަވަރެވެ." (16:11)

މޭބިސްކަދުރަކީ، ހަށިގަނޑުގެ ދަނގަޑުގާއި ހަކުރުގެ މިންވަރު ރަނގަޅަށް ބަލަހައްޓަން އެހީވެދޭ މޭވާއެކެވެ. 

· ޒައިތޫނި (olive): 

ކީރިތި ޤުރުޢާނުގައި ޒައިތޫނި އައިސްފައިވަނީ 6 ފަހަރެވެ.

" އަދި ޒައިތޫނި ގަސްތަކާއި ކަދުރު ރުށްތައްވެސް ނެރުއްވީމެވެ." (80:29)

މިއީ ހިތާއި ހަޖަމްކުރުމުގެ ނިޒާމަށް އެތައް ފައިދާއެއްކޮށްދޭ މޭވާއެކެވެ.

· އަންނާރު: 

ކީރިތި ޤުރުއާނުގައި އަންނާރު އައިސްފައިވަނީ 3 ފަހަރެވެ.

"އަދި އެދެސުވަރުގޭގައި އެކިބާވަތުގެ މޭވާއާއި ކަދުރު ރުކާއި އަންނާރުވެއެވެ." (55:68)

އެކި ބާވަތްތަކުގެ ޖަރާސީމާއި ވައިރަސްތަކުން ސަލާމަތްކޮށްދިނުމަށް އަންނާރުގެ ބޭނުންހިފޭނެއެވެ. މިއީ އަނގައިގެ ސާފުތާހިރުކަމަށްވެސް ވަރަށް ރަނގަޅު މޭވާއެކެވެ.   

· ދޮންކެޔޮ: 

" އަދި ތިރިންފަށައިގެން ގޮފިތަކާއި ހަމައަށް މޭވާ އަޅާ ބަރާވެފައިވާ ޠަލްޙު ގަސްގަހުގެ ނިޢުމަތުގައެވެ." (56:29)

(ޠަލްޙު ގަހަކީ ގިނަ މުފައްސިރުން ވިދާޅުވާގޮތުގައި ދޮންކޭލުގެ ބާވަތެކެވެ.) 

· ތީނި:  (fig)   

"ތީނިއާއި ޒައިތޫނި ގަންދެއްވައި ﷲ ހުވާ ވަޙީކުރައްވައެވެ." (95:1)

މިއީ ފައިބާ އާއި  އެކި ވައްތަރުތަކުގެ ވިޓަމިންސްތަކުން މުއްސަދި، ކޮލަސްޓްރޯލް ފަދަ ބަލިތަކަށް ރަނގަޅު މޭވާއެކެވެ.  

https://lifeinsaudiarabia.net/fruits-mentioned-in-the-holy-quran