އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 51 ސިކުންތު
މާލެ ލޮކްޑައުންގެ ހާލަތުގައި އޮއްވައި އެޗްޕީއޭ ގެ ހުއްދަނެތި މަޖިލީހުގެ ޖަލްސާތައް މަޖިލިސްކުރާ ގޭގައި ބޭއްވުމަކީ ގާނޫނީ ގޮތުން ކުރެވޭނެ ކަމެއް ނޫން ކަމަށް ކެންދޫ ދާއިރާގެ މެންބަރު ޢަލީ ޙުސައިން ވިދާޅުވެއްޖެއެވެ.
ތިމަރަފުށީ ދާއިރާގެ މެމްބަރު އަބްދުﷲ ރިޔާޟް މިއަދު ވަނީ ލޮކްޑައުން އުވާނުލަނީސް މާދަމާ ބާއްވަން މަޖިލީހުގެ ޗެމްބަރުގައި ބާއްވަން ތައްޔާރުވަމުންދާ ޖަލްސާއަށް ހާޒިރުވެވަޑައިގެންނެވެން ނެތްކަން މަޖިލީހުގެ އިދާރާ އަށް އަންގައިފިއެވެ.
ސަރުކާރުގެ ތަރުޖަމާނު މުޙައްމަދު މަބްރޫކް ވިދާޅުވީ އެންއޯސީގައި މަސައްކަތްކުރައްވާ ވަޒީރުން ފިޔަވައި އެހެން ވަޒިރުންވެސް ގެއިން ބޭރަށް ނުކުމެވަޑައިގަންނަވަނީ ފުލުހުންގެ ހުއްދަ ހޯއްދަވައިގެން ކަމަށެވެ. ވީމާ ކުރަން ޖެހޭ ކަންކަން ކުރެވޭނެ އުޞޫލުތައް އެބަހުރި ކަމަށެވެ.
މަޖިލިހުގެ ރައީސް މުހައްމަދު ނަޝީދު ވިދާޅުވެފައިވަނީ މަޖިލިހުގެ ޖަލްސާލަތައް ނުބާއްވަވާ ހުންނެވެން ނެތް ކަމަށެވެ. އެމަނިކުފާނު މިހައިވަރުގަދަ ގޮންޖެއްސެވުމެއް ކުރިމަތިކުރައްވާފައި މިވަނީ މާލޭ ސަރަހައްދުގެ ލޮކްޑައުން ހަތަރުވަނަ ފަހަރަށް އިތުރުކުރި މުއްދަތު ހަމަވާން އެންމެ 2 ދުވަހަށް ވެފައި ވަނިކޮށެވެ!
މާލެ ލޮކްޑައުންގެ ހާލަތުގައި އޮއްވައި HPA ގެ ހުއްދަނެތި މަޖިލީހުގެ ޖަލްސާތައް މަޖިލިސްކުރަާ ގޭގައި ބޭއްވުމަކީ ގާނޫނީ ގޮތުން ކުރެވޭނެ ކަމެއް ނޫން.
— Ali Hussain (@AleeVoice) May 25, 2020
ސިއްޙީ ނުރައްކަލުގެ ހާލަތު އިޢުލާން ކޮށްފަވަނިކޮށް @HPA_MV ނުވަތަ @PoliceMv ހުއްދަ ލިޔުމުން ލިބިގެން މެނުވީ ޖަލްސާއަށް ޙާޟިރުވެވެން ނެތްކަމަށް މަޖިލިހުގައި ދަންނަވައިފިން. https://t.co/KJySwn6uFB
— Abdulla Riyaz MP (@riyazabdulla) May 25, 2020
Advertisement
25 މެއި 2020