ކޮވިޑް 19 އިން ރައްކައުތެރިވުމަށް ޗައިނާއިން އުފެއްދި ސިނޮވިކް ކޮވިޑް ވެކްސިން ޙަލާލުކަމަށް އިންޑޮނޭސިއާގެ ދީނީ ޢިލްމްވެރިންގެ އެންމެ މަތީ މަޖިލީހުން ކަނޑައަޅައިފި އެވެ. އަދި އަންނަ ބުދަ ދުވަހު ވެކްސިން ދޭން ފަށަންވެސް ވަނީ ނިންމައިފައެވެ. 

ހުކުރު ދުވަހު ވަނީ ވެކްސިން ޙަލާލްކަމަށް ކަނޑައަޅައި ހަލާލް ސެޓުފިކެޓްވެސް ދޫކޮށްފައެވެ. ހުކުރު ދުވަހުވެސް 10،617 މީހަކު އެ ޤައުމުގައި ވަނީ ކޮވިޑަށް ޕޮޒިޓިވްވެފައެވެ. 

އިންޑޮނޭސިއާއިން މިހައިތަނަށްވަނީ 3 މިލިއަން ވެކްސިން ހޯދައި 1.2 މިލިއަން ވެކްސިން ވަނީ 34 ޕްރޮވިންސަށް ފޮނުވައިފައެވެ. ފުރތަމަ އިސްކަން ދީފައިވަނީ މަސައްކަތްކުރާ އުމުރު 18 އަަހރުން 59 އަހަރަށް ވެކްސިން ދިނުމަށެވެ. އެހެންކަމުން އުމުރުން 77 އަހަރުގެ ރައީސަށް ވެކްސިން ލިބިވަޑައެއް ނުގަންނަވާނެއެވެ.