ނަރަކައަށް މީސްތަކުން ވަންނަނީ އަދި ގަދަ ފަދަ އަޒޫބުގައި ދެމިތިބެނީ އަމިއްލައަށް ކަމަށާއި ނަރަކައަށް ލައްވަވަނީ އަމިއްލައަށް އެކަމަށް ބޭނުންވި މީހުންނެވެ.

ނަރަކައަށް ވެއްދޭ އެއްވެސް މީހަކު އެމީހާއަށް ނަރަކައަށް ވަންނަން ޖެހުނީ ބޭއިންބާފުން ކަމަކަށް ނުބުނާނެއެވެ. ބުނެވޭކަށްވެސް ނުއޮންނާނެއެވެ. އެހެނީ އަދުލަށް ޙުކުމް ކުރެއްވެވުމުގައި މާތް ﷲ އީ އެންމެ އަދުލުވެރި ފަރާތެވެ.

އެހެން ނަމަވެސް ބައެއް މީހުން އެކަމުގެ ސުވާލު އުފައްދައެވެ. މާތް ﷲ މީސްތަކުންނަށް އަނިޔާވެރިވެވޮޑިގަންނަވަނީ ކީއްވެގެންތޯ ސުވާލުކުރެއެވެެ. އެއީ މުސްލިމުން ޤަބޫލުކުރާ ސުވާލެއް ނޫނެވެ. ނަރަކައަށް މާތް ﷲ މީސްތަކުން ލައްވަވަނީ އަދުލުވެރިކަން އެންމެންގެ މައްޗަށް ޤާއިމުކުރެއްވެވުމަށެވެ.

ތިބާއަށް މާތް ﷲ އިޚްތިޔާރު ދެއްވެވިއެވެ. ނަރަކައަށް ވަނުމަށާއި ސުވަރުގެ ވަނުމަށެވެ. އެ އިޚްތިޔާރުގެ ބޭނުން ތިބާ ހިފިގޮތުގެ ޒިންމާ އުފުލަންޖެހޭނީ ހަމަ ތިބާއަށެވެ. އެހެންވީމާ އެއްވެސް މީހަކަށް ނަރަކައަށް ވަންނަން ޖެހުނީ މާތް ﷲ ގެ ނިންމެވުމުން ކަމަކަށް ނުބުނެވޭނެއެވެ.

ގުޅުންހުރި ވީޑިއޯ: