މާލޭ ދެކުނު ސަރަހައްދުން ބޮޑުތަކުރުފާނުމަގު ފުޅައުކުރުމަށްޓަކައި އާޓިފިޝަލް ބީީޗް ސަރަހައްދުގައި ބޮޑުތަކުރުފާނު މަގާއި އިންވެގެން ހުރި ސްޓޭޖް ނަގައިފިއެވެ.
ހައުސިންގ މިނިސްޓްރީން ދަނީ މާލޭ އިންޑަސްޓްރިއަލް ވިލެޖުން ފަށިގެން ހުޅުމާލޭ ފެރީ ޓަރމިނަލް ސަރަހައްދާއި ހަމައަށް ބޮޑުތަކުރުފާނު މަގު ފުޅައުކުރުމުގެ މަސައްކަތް ކުރަމުންނެވެ.
މިމަސައްކަތަކީ ބްރިޖު ނިމިގެންދާއިރު ވަރަށް މުހިންމު މަސައްކަތަށްވެގެންދާނެ މަސައްކަތެއްކަމަށް ބެލެވެއެވެ. ބްރިޖު ހުޅުވައި ބޭނުންކުރަން ފެށުމުން ގިނަ އަދަދެއްގެ ބޮޑެތި ވެހިކަލްތައް ދުއްވަން ފަށާނެ ކަމަށް ވަނީ ބެލެވިފައެވެ.
މާލޭގެ ގިނަ އަދަދެއްގެ ގުދަންތައް އިންޑަސްޓްރިއަލް ވިލެޖް ސަރަހައްދަށް ބަދަލުކުރަން ނިންމާފައިވާއިރު މަގުތައް ފުޅައު ކުރުމަކީ ކޮންމެހެން ކުރަންޖެހޭނެ ކަމެއް ކަމަށް ވަނީ ބެލެވިފައެވެ.