މިނިވަން ދުވަހާއި ގުޅިގެން މޯލްޑިވް ގޭހުގެ ޚިދުމަތް ލިބޭނެ ޚިދުމަތް ގަޑިތައް އެކުންފުނިން އާންމު ކޮށްފިއެވެ.

މޯލްޑިވް ގޭހުން މިއަދު ނެރުނު އިއުލާނެއްގައި ބުނެފައިވަނީ 26 ޖުލައި 2018 އަކީ ރަސްމީ ބަންދު ދުވަހެއް ކަމުގައިވާތީ، ޑިސްޓްރިބިއުޝަން ޔުނިޓުތަކުގެ (މާލެ، ވިލިމާލެ، ހުޅުމާލެ އަދި ތިލަފުށި ސޭލްސް) މޯލްޑިވް ގޭސް އޮފީސް ހުޅުވިފައި ހުންނާނީ ހެނދުނު 8:00 މެންދުރު 15:00 އަށް ކަމަށާއި އޯޑަރ ނެގޭނީ މާދަމާ ހެނދުނު 8:00 އިން 11:00 އާއި ހަމައަށް ކަމަށެވެ.

މިގަޑިތައް ފިޔަވާ ކޮންމެ ރެއެއްގެ 23:00 ޖަހަންދެން އެކުންފުނީގެ މާލެ، ވިލިމާލެ އަދި ހުޅުމާލެ ޑިސްޓްރިބިއުޝަން ޔުނިޓަށް ހުސްފުޅި ގެންދިޔުމުން ގޭސްފުޅި ދޫކުރާ ގޮތަށް ވެސް ހަމަޖެހިފައިވާ ކަމަށް މޯލްދިވް ގޭހުގެ އިއުލާނުގައި ބުނެފައިވެއެވެ.