ކޯލިޝަނުގެ ސަރުކާރު އައުމާއިއެކު ރާއްޖެއިން އިސްލާމް ދީން ނެތޭނެކަމަށް ބުނި ބައެއް މީހުން ރާގު ބަދަލުކޮށް މިހާރު ސިޔާސީ މަޤާމު ހޯދަން އެބައުޅޭ ކަމަށް ޝައިޚް ޢަލީ ޒައިދު ވިދާޅުވެއްޖެއެވެ.
ދިވެހިރައްޔިތުން އިސްލާމް ދީނުން ބޭރުކުރުވުމަކީ 17 އަހަރުވަންދެން ރާޖެއަށްވެރިވެގަނެގެން ތިބެ އެކަމަށް ގަދައަޅައި މަސައްކަތް ކުރުމުން ވެސް ނުކުރެވިފައި އޮތް ކަމެކެވެ. ﷲ ތަޢާލާގެ އިރާދަފުޅާއިއެކު އެއީ އެއްވެސް ސަރުކާރަކަށް ކުރެވޭނެ ކަމެއްވެސް ނޫނެވެ.
ދިވެހިންގެ ދީނީ ޢަޤީދާ ވަރުގަދަ ކުރުވުމަށް ކުރަންޖެހޭ މަސައްކަތްތައް ފާއިތުވި ސަރުކާރުތަކަށް އެކަށީގެންވާ މިންވަރަށް ކުރެވިފައި ނެތުމުން ކުރިމަތިވެފައިވާ މައްސަލަތައް ޙައްލުކުރާނެ ކަމުގެ ޔަޤީންކަން އިންތިޚާބީ ސަރުކާރުން ވަނީ ދީފައެވެ.
"ބައެއް ބޭފުޅުން އެބަ އުޅެޔޯ އާ ސަރުކާރުގެ ސިޔާސީ ޖޮބް ހޯދަން ގުޅައިގެން.! މީގެ ކުރިގައި އެބޭފުޅުން ސީދާ އިސްލާމް ދީން ނެތޭނޭ އާ ސަރުކާރު އަންނައިރަށް! އެކަމަކު ވާހަކަ އާ ރާގު މިހާރު މުޅިން ބަދަލުވެއްޖެ! އަނެއްކޮޅަށް ޖަހައިފި"