ކުރީގެ ނައިބް ރައީސް އަޙްމަދު އަދީބަކީ ވެސް ދިވެހި ދެމަފިރިއެއްގެ ދިވެހި ދަރިއެއް ކަމަށާއި ކުށްކުށަށް ދޭ އަދަބަކީ މީހާގެ ފުރާނަ ދުއްވާލުމެއް ނޫން ކަމަށާއި އަނިޔާވެރިކަން ހުއްޓުވާފައި އިންސާނިއްޔަތުކަން އިސްކޮށް ބޭސް ފަރުވާއަށް އަޙްމަދު އަދީބަށް ފުރުޞަތު ދޭންޖެހޭނެ ކަމަށް ޖޭޕީގެ ސެކެޓރީ ޖެނެރަލް އަހްމްދު ސަމީރު ވިދާޅުވެއްޖެއެވެ.

ސަމީރު މިމޭރުމުން ވިދާޅުވެ ކުރެއްވި ޓްވީޓް ވަނީ ރާއްޖޭގެ ސަލާމަތީ ބާރުތަކަށް ވެސް ޓެގް ކުރައްވައިފައެވެ.

އަދީބްގެ ޞިއްޙީ ޙާލަތާއިމެދު ވަރަށް ބޮޑެތި ކަންބޮޑުވުންތައް ހުރިނަމަވެސް ރައީސް ޔާމީނު ވިދާޅުވެފައިވަނީ ދިވެހި ފަސްގަނޑުން އަދީބަށް އެއްވެސް ޖާގައެއް ނުދެއްވާނެ ކަމަށެވެ. މީގެ މާނައަކީ އަދީބް ދިރިހުންނަވައި ރާއްޖޭގައި ދިރިއުޅުއްވުމުގެ ފުރުޞަތު ނުދެއްވާނެކަން ކަމުގައި ބެލެވެއެވެ.

އަދި އަދީބުގެ ކަންކަމުގައި ސަރުކާރުން އަމަލުކުރަމުން ގެންދަނީ ރާއްޖެ އާއި ބައިނަލްއަޤްވާމީ ޤަވާއިދުތަކުގެ ބޭރުން ކަމަށް ބުނެ ޢާއިލާއިން ގެންދަނީ ކަންބޮޑުވުން ފައުޅުކުރަމުންނެވެ.

Kureege naaibu Raees Ahmed Adheeb aki dhivehi dhemafiriehge dhivehi dharieh, kuhkushah dhey adhabaki meehaage Furaana dhuhvaalumehnoon, Aniyaaverikan huttuvaafa insaaniyathukan iskoh beysfaruvaa ah Ahmed Adheeb ah furusathu dheyn jeheyne. @PoliceMv @MNDF_Official #ufaaveriaailaa pic.twitter.com/xyJ5QmhKsd

— Ahmed Sameer (@meeraazu) October 27, 2018