އާރޓިކަލްކިޔުމަށް ހޭދަވާނެކަމަށް ބެލެވެނީ : 0 މިނެޓް, 45 ސިކުންތު
"ރަމަޟާން މަހުގެ ކުރީކޮޅު ރޯދަވީއްލި ވަގުތު ޒުވާނަކު ބަހެއްގައި ތިބި މީހުންނަށް ކަދުރުބެހިއެވެ. ޕެކެޓުގައި ލިޔެފައިވެއެވެ. "އަހަރެންނަށް އޭނާ އާއި ކައިވެނިކުރެވޭތޯ ދުޢާކޮށްދޭށެވެ!" ރަމަޟާން މަސް ނިމުނުއިރު އޭނާގެ ބޭނުންވަނީ ޙާޞިލުވެފައެވެ! އަލްޙަމްދުލިﷲ"
މިއީ މީގެ 3 އަހަރުވަރުކުރިން ބައެއް ނޫސްތަކުގައާއި ސޯޝަލް މީޑިއާގައި ޢާންމުވެގެންދިއަ ވާހަކައެކެވެ. އެހަނދާންހުރި މީހުން މިއަދުވެސް ބައިވަރެވެ.
ﷲ ތަޢާލާ ހުއްދަ ކުރައްވަވާފައިވާ ކޮންމެ ކަމަކަށް އެދިގެންވެސް ﷲ ތަޢާލާ ރުހިވޮޑިގަންނަވާ ފަދަ ޢަމަލުތައްކުރުން ގިނަކުރާށެވެ! އިން ޝާ ﷲ އެކަމެއް ހިންމަވައިދެއްވަވާކަން އަބަދުވެސްދަނީ ފެންނަމުންނެވެ.
ބައެއް ކަންކަން ވަރަށް އަވަހަށެވެ. އަނެއްބައި ކަންކަން އެކަމެއް ވުމަށް އެކަލާނގެ އިރާދަކުރައްވަވާ ވަޤުތު ޖެހުމުންނެވެ. އަހުރެމެންނަށް އޮތީ ހިންމަވައިދެއްވަވާނެ ކަމުގެ ޔަޤީންކަމުގައި ތިބެގެން ވީހައިގިނައިން ހެޔޮ ޢަމަލުތައް ކުރުމެވެ.
Advertisement
27 މެއި 2023