ދިވެހިރާއްޖޭގެ އެންމެ ބޮޑު ޓެލެކޮމިއުނިކޭޝަން ކުންފުނި، ދިރާގުގެ 36 ވަނަ އަހަރީ ދުވަހާ ގުޅިގެން ފެށި "ވިން އަ ސްޕީޑްބޯޓް" ޕްރޮމޯޝަން ފުޅާކޮށް، ކަސްޓަމަރުންނަށް ގިނަގުނަ ފުރުސަތުތަކެއް ހުޅުވާލައިފިއެވެ. މި ޕްރޮމޯޝަން ކުރިއަށްދާނީ މިއަހަރުގެ ޑިސެމްބަރު 31 ގެ ނިޔަލަށެވެ.

ދިރާގުން މިއަދު އިއުލާނުކުރި އޮފާތަކުގެ ތެރޭގައި "ވިން އަ ސްޕީޑްބޯޓް" ޕްރޮމޯޝަންގެ ބައިވެރިންނާއި އެހެން ކަސްޓަމަރުންނަށް ވެސް ބައިވެރިވެވޭ އޮފާތައް ހިމެނެއެވެ. މި ޕްރޮމޯޝަންގެ ދަށުން، އޮކްޓޫބަރު މަހުގެ ފުރަތަމަ ދެ ހަފުތާގެ ތެރޭގައި ކޮންމެ ދުވަހަކު އައިފޯން 16 އެއް ދޭން ވަނީ ނިންމާފައެވެ.

އަދި 16 ސެޕްޓެންބަރުން ފެށިގެން 31 އޮކްޓޫބަރު 2024 ގެ ނިޔަލަށް ދިރާގު 'ވިން އަ ސްޕީޑްބޯޓް' ޕްރޮމޯޝަންގައި އެންރޯލްކުރާ ފަރާތްތަކަށް އިނާމް ހޯދުމުގެ ފުރުސަތު ދެގުނަ ވެގެންދާނެއެވެ. މީގެ އިތުރުން، އޮކްޓޫބަރު މަހު ދިރާގުން ކުރިއަށްގެންދާ ހާއްސަ ސޯޝަލް މީޑިއާ ކޮންޓެސްޓެއްގައި ބައިވެރިވެގެން އަލް ޝާލީ މެރިން، މަޖެލަން 32 ބޯޓެއްގައި 7 ރައްޓެހިންނާ އެކު ހިލޭ ދަތުރެއް ދިޔުމުގެ ފުރުސަތު ދިރާގުން ހުޅުވާލާނެއެވެ.

ދިރާގުން އަހަރީ ދުވަހަށް ތައާރަފް ކޮށްފައިވާ އިތުރު އޮފާތަކުގެ ތެރޭގައި އެޑްއޮން ގަންނަ ޕްރިޕެއިޑް ކަސްޓަމަރުންނަށާއި އެޑްއޮން އާއި ބޫސްޓާސް ގަންނަ ޕޯސްޓްޕެއިޑް ކަސްޓަމަރުންނަށް 10 ޖީބީއާ ހަމައަށް ހިލޭ ޑޭޓާ ލިބޭނެއެވެ.

މި ޕްރޮމޯޝަނަކީ ދިރާގުގެ ކަސްޓަމަރުންނަށް އިތުރު ފައިދާތަކެއް ހޯދައިދިނުމަށް ކުރާ މަސައްކަތުގެ ބައެއްކަމަށް ދިރާގުން ބުނެއެވެ.