ޕްރޮގްރެސިވް ޕާޓީ އޮފް މޯލްޑިވްސް (ޕީއެންސީ) ގެ އެތެރޭގެ އިންތިޚާބު މާދަމާ ބޭއްވުމަށް ހަމަޖެހިފައިވާ ކަމަށް އެ ޕާޓީން މިއަދު ހާމަކޮށްފިއެވެ. މި އިންތިޚާބަކީ ރާއްޖޭގައި ސިޔާސީ ޕާޓީއަކުން ބާއްވާ އެންމެ ބޮ ބޮޑު އިންތިޚާބު ކަމަށް ޕީއެންސީން ބުނެފައިވެއެވެ.

ޕީއެންސީގެ އެތެރޭގެ އިންތިޚާބުގައި ވޯޓުލުން ކުރިއަށްދާނީ ރާއްޖޭގެ ހުރިހާ އަތޮޅެއްގައި ހެނދުނު 10:00 އިން މެންދުރުފަހު 14:00 އަށެވެ. ރަށްރަށުގައި ވޯޓުފޮށި ބަހައްޓާނީ ސްކޫލުތަކުގައި ކަމަށާއި، މާލޭގައި ވޯޓުލުން ކުރިއަށްދާނީ ދަރުބާރުގޭގައި ކަމަށް ޕާޓީން މަޢުލޫމާތު ދީފައިވެއެވެ.

މި އިންތިޚާބުގައި ޖުމްލަ 2095 މަޤާމަކަށް މެންބަރުން އިންތިޚާބުކުރެވޭނެ ކަމަށް ޕީއެންސީން ބުނެފައިވެއެވެ. ނަމަވެސް، ގިނަ ރަށްތަކުގައި އިންތިޚާބަކާ ނުލައި މަޤާމުތަކަށް މީހުން ހޮވިފައިވާ ކަމަށްވެސް އެ ޕާޓީން ފާހަގަކޮށްފައިވެއެވެ.

ޕީއެންސީގެ އެތެރޭގެ އިންތިޚާބަށް ތައްޔާރުވުމުގެ މަސައްކަތްތައް ނިމިފައިވާ ކަމަށާއި، މާދަމާގެ އިންތިޚާބު ވަރަށް ކާމިޔާބު އިންތިޚާބަކަށް ވާނެ ކަމުގެ އުންމީދު އޮތް ކަމަށް ޕާޓީގެ އިސް ވެރިންގެ ފަރާތުން މަޢުލޫމާތު ލިބިފައިވެއެވެ. އަދި މި އިންތިޚާބުގެ ސަބަބުން ޕާޓީގެ އިދާރީ ހިންގުން އިތުރަށް ހަރުދަނާވެ، ޕާޓީގެ މެންބަރުންގެ މެދުގައި އޮންނަ ގުޅުން ބަދަހިވެގެންދާނެ ކަމަށްވެސް އެ ފަރާތްތަކުން ބުނެފައިވެއެވެ.