އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 37 ސިކުންތު
މާލޭގައި ހުރި އާސާރީ މިސްކިތެއް ކަމަށްވާ ކަޅުވަކަރު މިސްކިތް އަލުން ރޭވުމުގެ ކުރިން އެމިސްކިތް ބިނާ ކުރުމަށް ބޭނުންކޮށްފައިވާ ވަކަރަށާއި ހިރިގަލަށް ފަރުވާދޭން ޖެހޭ ކަމަށް އައު ސަރުކާރުގެ މިނިސްޓަރ އޮފް އާޓްސް، ކަލްޗަރ އެންޑް ހެރިޓޭޖް ޔުމްނާ މައުމޫން ވިދާޅުވެއްޖެއެވެ.
މިކަމާއި ގުޅޭގޮތުން މިނިސްޓަރ ޔުމްނާ ވިދާލުވީ، ކަޅުވަކަރު މިސްކިތުގެ ބައިތައް ބަހައްޓާފައި ހުރީ ޤައުމީ ދާރުލްއާސާރު ގައި ކަމަށާއި އެމިސްކިތް އަލުން ރޭވުމުގެ ކުރިން ހިރިގަލަށާއި ވަކަރަށް ފަރުވާ ދޭން ޖެހޭ ކަމަށެވެ.
ރައީސުލް ޖުމްހޫރިއްޔާ އިބްރާހިމް މުޙައްމަދު ސޯލިހު ގެ 100 ދުވަހުގެ ވައުދު ތަކުގެ ތެރޭގައި ކަޅުވަކަރު މިސްކިތް ހޯދައި އަލުން ރޭވުން ހިމެނެއެވެ.
ކުރީގެ ސަލްޓަން ޕާކުގައި ހުރި ކަޅުވަކަރު މިސްކިތް އެތަނުން ނަގާފައިވަނީ ކުރީގެ ރައީސް އަބްދުﷲ ޔާމީން އަބްދުލްޤައްޔޫމް ސަރުކާރުގައި 2016 ވަނަ އަހަރުގެ ތެރޭގައެވެ. ސަލްޓަން ޕާކު "ރަސްރަނި ބަގީޗާ" އަށް ބަދަލުކޮށް، ކަޅުވަކަރު މިސްކިތް ހުރި ތަނުގައި ވަނީ "ވިންޓަ ޕާކެއް" އަޅާފައެވެ.
RoolhaaliKalhuvakaruMiskithugebaithahmihaaruhuree National Museum gai. E Miskiyyalunreyvumugekurinhirigalashaavakarahfaruvaadheynjehey. @HeritageMVpic.twitter.com/tyscGTTs1H
— YumnaMaumoon (@yumna_maumoon) November 19, 2018
Advertisement
19 ނޮވެމްބަރ 2018