ސިޙުރުން ސަލާމަތްވުމަށް ބަޤަރާ ސޫރަތް ކިޔަވަން އެންމެ ރަނގަޅު ގޮތަކީ ކޮބައިތޯ؟ 

ކިޔުންތެރިޔާގެ ސުވާލަސް ތިރީގައިވާ ލިޔުމުން ޖަވާބު ލިބިލައްވާނެ ކަމަށް އުންމީދުކުރަމެވެ. 

ޙަދީޘްފުޅުގައިވަނީ: "ތިއަބައިމީހުން ބަޤަރާ ސޫރަތް ކިޔަވާށެވެ. ފަހެ ހަމަކަށަވަރުން އެސޫރަތް ކިޔެވުމަކީ ބަރަކާތް ލައްވަވާ ކަމެކެވެ. އަދި އެސޫރަތް ނުކިޔަވައި ދޫކޮށްލުމަކީ ގެއްލުމާއި ނިކަމެތިކަންހުރި ކަމެކެވެ. އަދި އެސޫރަތަކީ ސިޙުރުވެރިންނަށް ފުރިހަމަކުރެވޭނެ ސޫރަތެއް ނޫނެވެ." 

މި ޙަދީޘްފުޅުގެ ސަރަހައިގައި ޢިލްމުވެރިން ވިދާޅުވަނީ ބަޤަރާ ސޫރަތް ކިޔަވާ މީހަކަށް ސިޙުރުވެރިންނަށް ސިޙުރު ނުހެދޭނެ ކަމަށެވެ. އަދި އެސޫރަތް ކިޔެވޭ ގެއެއްގައި ސިޙުރުހުރިނަމަ އެގެއަކުން ސިޙުރު ބާޠިލްވާނެ ކަމުގައެވެ. 

އެހެން ޙދީޘްފުޅަކުން އެނގެން އޮތް ގޮތުގައި އެގެއެއްގައި ބަޤަރާ ސޫރަތް ކިޔަވާނަމަ އެގެއަކާއި ދުރަށް ދުވެ ޝައިޠޯނާ ފިލާނެއެވެ. ވީމާ މިއީ ޚާއްޞަ ގޮތެއްގައި ސިޙުރަށް ފަރުވާކުރުމަށް ބޭނުންކުރެވިދާނެ ސޫރަތެކެވެ. 

ސިޙުރާއި އެސްފީނާއިން ސަލާމަތްވެ ޖިންނި ޝައިޠޯނުންގެ އުނދަގޫތަކުން ގެދޮރު ސަލާމަތްކޮށް ތިމާވެސް ސަލާމަތްކުރަން ކުރަން އޮތް އެންމެ ރަނގަޅު އެއްކަމަކީ ބަޤަރާ ސޫރަތް ކިޔެވުމެވެ. ޙަދީޘްފުޅުގައި އޮތީ ބަޤަރާ ސޫރަތް ކިޔަވާ ގެއަކާއި ދުރަށް ޝައިޠޯނާ ދުވާނެ ކަމަށް ކަމުގައިވުމުން އެކަމުން އެނގެނީ ކިޔަވާ މީހާ އާއި ދުރަށްވެސް ދުވާނެ ކަމެވެ. 

ބަޤަރާ ސޫރަތުން ރުޤްޔާކުރާނެ ގޮތަކީ ފެން ޖޯޑަކަށް ނުވަތަ ފެންފުޅިއެއް ކައިރީގައި ބަހައްޓައިގެން އިނދެ ކިޔަވާނީއެވެ. ކޮންމެ ޞަފްޙާއެއް ކިޔަވައި ނިމުމުން ފެންޖޯޑަށް ނުވަތަ ފެންފުޅިއަށް ފުމެލާނީއެވެ. 

ސޫރަތް އެކުގައި ކިޔަވައި ނިމުމުން ފެނުގެ ތިންބައިކުޅަ ދެބައި ބޯނީއެވެ. އަނެއްބައި ގައިގައި އުނގުޅާފައި ހިކެންދެން ބަހައްޓާނީއެވެ. އެންމެ ރަނގަޅީ ކޮންމެ ދުވަހަކުވެސް ސޫރަތް އެކުގައި ކިޔެވުމެވެ. އެކުގައި ނުކިޔެވޭނެ ނަމަ 2، ނުވަތަ 3 ދުވަހުން ކިޔެވިނަމަވެސް އެންމެ ރަނގަޅެވެ. 

މަހެއްހައި ދުވަހު ނުވަތަ 40 ވަރަކަށް ދުވަހު ކިޔެވުމުން ވަރަށް ރަނގަޅު ނަތީޖާތަކެއް ފެނިގެންދާނެއެވެ. އިން ޝާ ﷲ

ޝައިޚް ޠާހާގެ ބަސްފުޅު: