ޢާއިޝަތު ރަފާޙް ޢަލީ

މުސްލިމް އުންމަތުގެ މިހާރުގެ ޙާލަތަށް ބަލާއިރު، ފަލަސްޠީނުގެ މުޤައްދަސް ތަންތަނަށް ހަމަލާ ދެމުންދާއިރު، އަހަރެމެން ކޮންމެ މީހަކުވެސް އަމިއްލަ ނަފްސާ ސުވާލުކޮށް، މި ކަންކަން ޙައްލުކުރުމަށް މަސައްކަތް ކުރަންވާނެއެވެ. މި މައްސަލަ ޙައްލުކުރެވޭނީ އަހަރެމެންގެ އެތެރެއިން އަންނަ ބަދަލަކުންނެވެ. އެހެންކަމުން، އަހަރެމެން ކޮންމެ މީހަކުވެސް މާ ބޮޑެތި ކަންކަމާމެދު ވިސްނައި، އުއްމަތުގެ ބަލިކަށިކަން ޤަބޫލުނުކޮށް، ބާރުގަދަ ބަޔަކަށް ވުމަށް މަސައްކަތް ކުރަންވާނެއެވެ.

އަހަރެމެން ކޮންމެ މީހަކުވެސް އަމިއްލަ ނަފްސަށް ހަނދާންކޮށްދޭންވީ ކަމަކީ، އަހަރެމެންނަކީ ބާރުގަދަ އުއްމަތެއްގެ ބައެއްކަމެވެ. އަހަރެމެންގެ އަތުގައި ގިނަގުނަ ވަސީލަތްތަކާއި ޤާބިލިއްޔަތުތައް ވާކަމެވެ. މި ބާރާއި ވަސީލަތްތައް ބޭނުންކޮށްގެން، އަހަރެމެންނަށް އުއްމަތަށް ފައިދާހުރި ގިނަގުނަ ކަންތައްތައް ކުރެވިދާނެއެވެ. 

އަހަރެމެން ކޮންމެ މީހަކުވެސް އަމިއްލަ ދާއިރާގައި، އަމިއްލަ ޤާބިލިއްޔަތުން އުއްމަތަށް ޚިދުމަތްކުރުމަށް މަސައްކަތްކުރަންވާނެއެވެ. އެއީ ޢިލްމީ ގޮތުން ކަމުގައިވިޔަސް، އިޤްތިޞާދީ ގޮތުން ކަމުގައިވިޔަސް، ނުވަތަ އިޖްތިމާޢީ ގޮތުން ކަމުގައިވިޔަސް މެއެވެ. ކޮންމެ މީހަކަށްވެސް އޭނާގެ ދާއިރާއިން އުއްމަތަށް ޚިދުމަތްކުރެވޭނެއެވެ.

އަހަރެމެން ހަނދާންކުރަންވީ އަނެއް ކަމަކީ، ބަދަލު ގެނައުމަށް މަސައްކަތްކުރުމުގެ މުހިންމުކަމެވެ. ހަމައެކަނި ޝަކުވާކުރުމުގެ ބަދަލުގައި، އަމަލީ ގޮތުން ކުރެވެން ހުރި ކަންތައްތައް ކުރަން ފަށަންވާނެއެވެ. އެއީ ކިތަންމެ ކުޑަ ކަމެއް ކަމުގައިވިޔަސް، ކޮންމެ ފަރުދަކު އޭނާގެ ޒިންމާ އަދާކުރުމަކީ މުހިންމު ކަމެކެވެ. 

ނިންމާލަމުން ދަންނަވާނީ، އަހަރެމެންގެ އުއްމަތަކީ ބާރުގަދަ، ޤާބިލު އަދި ވަސީލަތްތައް ލިބިފައިވާ އުއްމަތެކެވެ. މި ބާރާއި ޤާބިލިއްޔަތު ބޭނުންކޮށްގެން، އަހަރެމެންނަށް ގިނަގުނަ ކުރިއެރުންތައް ހޯދިދާނެއެވެ. އެހެންކަމުން، ކޮންމެ މީހަކުވެސް އަމިއްލަ ނަފްސު ތަރައްޤީކޮށް، އުއްމަތަށް ޚިދުމަތްކުރުމަށް މަސައްކަތްކުރުމަކީ މުހިންމު ކަމެކެވެ. ﷲ سبحانه وتعالى އަހަރެމެން އެންމެންނަށް މި މ މަގުގައި ސާބިތުވެ ތިބުމުގެ ތައުފީޤު ދެއްވާށިއެވެ. އާމީން.

- ޢުމަރު ސުލައިމާންގެ ދަރުސަކުން