ހުޅުމާލެ އިސްރަށްވެހިންގެ ނާދީގައި އިސްރަށްވެހިންނަށް އަމާޒުކޮށްގެން އަތްތެރި މަސައްކަތް ދަސްކޮށްދޭ ކްލާސްތަކެއް ކުރިއަށް ގެންދަން ފަށައިފިއެވެ.

މި ކުލާސްތައް ކުރިއަށް ގެންދިއުމަށް ހަމަޖެހިފައިވަނީ ކޮންމެ އާދިއްތަ ދުވަހެއްގެ ހަވީރު 16:00 އިން 18:00 އަށް ހުޅުމާލެ އިސްރަށްވެހިންގެ ނާދީގައެވެ. ހަމައެހެންމެ، މާލެ އިސްރަށްވެހިންގެ ނާދީގައިވެސް މި ކުލާސްތައް ކޮންމެ އަންގާރަ ދުވަހެއްގެ 14:00 އިން 15:30 އަށް ކުރިއަށް ދާނެއެވެ.

އިސްރަށްވެހިންގެ ނާދީގައި ކުރިއަށް ގެންދާ މިފަދަ ހަރަކާތްތަކުގައި ބައިވެރިވުމުގެ ފުރުޞަތު 55 އަހަރުން މަތީގެ ކޮންމެ ބޭފުޅަކަށްވެސް އޮންނާނެއެވެ. އެގޮތުން އިސްރަށްވެހިންގެ ނާދީއަށް ވަޑައިގެން މި ޕްރޮގްރާމުތަކުގައި ކޮންމެ ބޭފުޅަކަށްވެސް ބައިވެރިވެވޭނެއެވެ.

ހަބަރު: ސަރުކާރު