މިއަދު ޔުނައިޓެޑް ނޭޝަންސް އެންވަޔަރަންމަންޓް ޕްރޮގްރާމް (UNEP) އާއި ލޯ އެމިޝަން ޓްރާންސްޕޯޓް މަޝްރޫޢުގެ ސްޓިއަރިންގ ކޮމިޓީގެ މެންބަރުން ބައިވެރިވެގެން، މި މަޝްރޫޢުގެ 5 ވަނަ ސްޓިއަރިންގ ކޮމިޓީ ބައްދަލުވުން ބާއްވައިފިއެވެ.

މި ބައްދަލުވުމުގައި، ރާއްޖޭގައި ސާފު، ދެމެހެއްޓެނިވި އަދި ދުންފަތް މަދު ދަތުރުފަތުރުގެ ނިޒާމެއް ޤާއިމުކުރުމަށް ފޯކަސްކޮށްފައިވާ މި މަޝްރޫޢުގެ މަސައްކަތު ރިޕޯޓާއި ބަޖެޓް ދިރާސާކުރުމަށްފަހު، މަޝްރޫޢުގެ މުއްދަތު އިތުރުކުރުމަށް ވަނީ ނިންމާފައެވެ.

މި މަޝްރޫޢަކީ ގްލޯބަލް އެންވަޔަރަންމަންޓް ފެސިލިޓީ (GEF) އިން ފައިނޭންސްކުރާ މަޝްރޫޢެކެވެ. މި މަޝްރޫޢުގެ މައިގަނޑު މަޤްޞަދަކީ ދިވެހިރާއްޖޭގެ އެކި ކަންކޮޅުތަކުގައި ދަތުރުފަތުރުގެ ދާއިރާއިން އުފައްދާ ދުންފަތް މަދުކޮށް، ސާފު އަދި ދެމެހެއްޓެނިވި ދަތުރުފަތުރުގެ ނިޒާމެއް ޤާއިމުކުރުމެވެ.

ބައްދަލުވުމުގެ ތެރެއިން ސްޓިއަރިންގ ކޮމިޓީން ވަނީ މަޝްރޫޢުގެ މުރާޖަޢާކުރެވިފައިވާ މަސައްކަތު ރިޕޯޓާއި ބަޖެޓް ދިރާސާކުރުމަށްފަހު، މަޝްރޫޢު އިތުރު ހަ މަސްދުވަހަށް ދިގުދައްމާލުމަށް ހުށަހެޅި ހުށަހެޅުމަށް ތާއީދުކޮށްފައެވެ. މީގެ އިތުރުން، މަޝްރޫޢު ނިންމާލުމަށް ޚާއްސަ ހަ މަސްދުވަހުގެ މުއްދަތެއް ވެސް ދިނުމަށް ވަނީ ފާސްކޮށްފައެވެ. މިގޮތުން، މަޝްރޫޢުގެ މުއްދަތު 2025 ވަނަ އަހަރުގެ ޖުލައި މަހުން ފެށިގެން 2026 ވަނަ އަހަރުގެ ޖޫން މަހުގެ ނިޔަލަށް ދިގުދެމިގެންދާނެއެވެ. މި ނިންމުމަކީ ރާއްޖޭގައި ދެމެހެއްޓެނިވި ދަތުރުފަތުރުގެ ނިޒާމެއް ޤާއިމުކުރުމަށް ކުރެވޭ މަސައްކަތަށް އިތުރު ބާރެއް ލިބިގެންދާނެ ކަމެކެވެ.

ހަބަރު: ސަރުކާރު