އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 4 ސިކުންތު
ކުރީގެ ނައިބު ރައީސް އަހުމަދު އަދީބު އުފެއްދެވި މޯލްޑިވްސް ތާޑްވޭ ޑިމޮކްރެޓްސް (އެމްޓީޑީ) ޕާޓީ، ރާއްޖޭގެ ސިޔާސީ ޕާޓީއެއްގެ ގޮތުގައި އިލެކްޝަންސް ކޮމިޝަނުން ރަސްމީކޮށް މިއަދު ރެޖިސްޓްރީ ކޮށްދީފިއެވެ.
އެމްޓީޑީ އުފައްދަން ރަސްމީކޮށް ބާއްވަން ޖެހޭ ފުރަތަމަ ޖަލްސާ ބާއްވާފައިވަނީ މިދިޔަ ހޯމަ ދުވަހުގެ ރެއެވެ. އެރޭ އެޖަލްސާގައި އެމްޓީޑީ އިފްތިތާޙްކޮށް، އިންތިގާލީ ކައުންސިލަށް 11 ބޭފުޅަކު ވެސް ވަނީ އައްޔަނު ކުރައްވާފައެވެ.
އެމްޓީޑީ އުފައްދަވަން ހުއްދަ ލިބުމާއެކު، އެޕާޓީއަށް އެންމެ ފުރަތަމަ ސޮއި ކުރެއްވީ ވެސް އަދީބުއެވެ. ޕާޓީ އުފައްދަން ހުއްދު ލިބުމާއެކު އެމްޓީޑީން އެޕާޓީ އުފައްދަވާފައިވަނީ 21 ދުވަސް ތެރޭގައެވެ.
އަލަށް ސިޔާސީ ޕާޓީއެއް އުފައްދަން މަދުވެގެން 3000 މީހުންގެ ސޮއި ބޭނުންވާއިރު، އެމްޓީޑީ އިން ވަނީ 3333 މީހުންގެ ސޮއި ހޯދާފައެވެ.
Advertisement
27 ޑިސެމްބަރ 2018