އާރޓިކަލްކިޔުމަށް ހޭދަވާނެކަމަށް ބެލެވެނީ : 2 މިނެޓް, 51 ސިކުންތު
ސްރީލަންކާގައި ހިންގާފަވާ ނިރުބަވެރި ހަމަލާތަކާ ގުޅިގެން ރާއްޖޭގެ ޤައުމީ ސަލާމަތަށް ނުރައްކާވާ ފަދަ މައުލޫމާތު ނުފެތުރުމަށާއި އެފަދަ މައުލޫމާތު ފެތުރުމުގައި އެއްވެސް ސިފައެއްގައި ބައިވެރިނުވުމަށް ހޯމް މިނިސްޓަރ ޝައިޚް އިމްރާން ޢަބްދުﷲ ރާއްޖޭގެ ރައްޔިތުންނަށް އިލްތިމާސްކުރައްވައިފިއެވެ.
ހޯމް މިނިސްޓަރު މިމޭރުމުން އިލްތިމާސް ކުރައްވާފައިވާއިރު ލަންކާގައި އިއްޔެ ދިން ހަމަލާތަކާއި ދިވެއްސަކާއި އެއްވެސް ވަރަކަށް އެއްވެސް ގުޅުމެއް ނެތްކަން ޤައުމީ ކައުންޓަރ ޓެރަރިޒަމް ސެންޓަރުން ވަނީ މިއަދު ކަށަވަރުކޮށްދީފައެވެ. އެ ސެންޓަރުންވެސް އެދިފައިވަނީ ޔަޤީން ނުކުރެވޭ، ޒިންމާދާރުކަމެއް ނެތް ވާހަކަތައް ނުފެތުރުމަށެވެ.
ރާއްޖޭގެ ދީނީ އެއްބައިވަންތަކަން ނަގާލަން މަސައްކަތްކުރާ މީހުން ގެންދަނީ މިބާވަތުގެ ކަންކަމުގައި ރާއްޖެއާއިމެދު ދޮގު މައުލޫމާތުތައް ފަތުރަމުންނެވެ. އެކަމުގެ ސަބަބުން ބައެއް ޤަުމުތަކުގައި މިހާރުވެސް ދަނީ ދިވަހިންނަށް ތަފާތު މައްސަލަތައް ކުރިމަތިވަމުންނެވެ.
ރާއްޖޭގެ ޤައުމީ ކައުންޓަރ ޓެރަރިޒަމް ސެންޓަރުން މިހައިތަނަށް ދީފައިވާ މައުލޫމާތަށް ބަލާއިރު ދިވެހިންގެ ތެރެއިން ސީރިޔާގެ ހަނގުރާމައަށް ގޮސްފައިވަނީވެސް 60 ވަރަކަށް މީހުންނެވެ. ނަމަވެސް ދާދިފަހުން ރައީސް ނަޝީދު ވަނީ 400 ވަރަކަށް ދިވެހިންގެ އަނބިން ސީރިޔާގައި ހަށިވިއްކަމުންދާ ކަމަށް ވިދާޅުވެފައެވެ. 400 އަނބިން ގޮސް ތިބޭނީ 400 ފިރިންނާއިއެކުގައި ކަމަށްވުމުން ރައީސް ނަޝީދުގެ ހިސާބުން އެ ދައްކަނީ 800 ދިވެހިން ސީރިޔާއަށް ގޮސްފައިވާކަން ކަމުގައި ފާހަގަކުރެވެއެވެ.
"ސްރީލަންކާގަ ހިންގާފަވާ ނިރުބަވެރި ހަމަލާތަކާ ގުޅިގެން ރާއްޖޭގެ ޤައުމީ ސަލާމަތަށް ނުރައްކާވާ ފަދަ މައުލޫމާތު ފެތުރުމާއި އެފަދަ މައުލޫމާތު ފެތުރުމުގައި އެއްވެސް ސިފައެއްގައި ބައިވެރިވުމުން އެއްކިބާވެ ތިބުމަށް އެންމެހާ ލޮބުވެތި ރައްޔިތުންނަށް އިލްތިމާސްކުރަން."
Sri Lanka gai hingaafaivaa nirubaveri hamalaathakaa gulhigen raajjeyge Qaumi salaamathah nurakkaavaafadha haqeeqathaakhilaaf mauloomaathu fethurumaai efadha mauloomaathu fethurumugai evves sifaehgai baevirivumun ehkibaavethibbevumah emmehai lobuvethi rayyithunnah ilthimaaskuran!
— Imran Abdulla (@ShimranAb) April 22, 2019
Our local and international partners assure us there’s no truth as of yet to the claims linking Maldives to yesterday's terrorist attack in Sri Lanka. We urge all to be responsible and refrain from sharing unverified information. For queries please call our Hotline at 1615.
— NCTC Maldives (@NCTCMaldives) April 22, 2019
Advertisement
22 އޭޕްރީލް 2019