ދިވެހި ޚާރިޖިއްޔާގައި މިއަދު ބޭއްވި ރަސްމިއްޔާތެއްގައި ރާއްޖޭގައި ހިންގާ އެމްބަސީ އަޅާނެ ބިމެއް ޗައިނާއަށްވެސް ދީފިއެވެ. ޗައިނާ އެމްބަސީއަށްވެސް ބިމެއް ދީފައިވަނީ ހުޅުމާލެއިންނެވެ. 

ހުޅުމާލެއިން މީގެ ކުރިން ވަނީ އިންޑިއާ، ބަންގްލަދޭޝް، އަދި ސްރީލަންކާއަށް އެމްބަސީ އަޅާނެ ބިން ދޫކޮށްފައެވެ. އެހެންކަމުން ހުޅުމާލޭގައި "ޑިޕޮލޮމެޓިކް ސިޓީ" އެއް ބިނާވެގެންދާނެއެވެ.  

ރާއްޖޭގައި ހުންނަވާ ޗައިނާ ސަފީރު، ޒާންގ ލީޒޯންގވަނީ މިހާރުގެ ސަރުކާރު ވެރިކަމަށް އައިސް މިހައި ކުރުމުއްދަތެއްގައި އެމްބަސީ އަޅާނެ ބިމެއް ޗައިނާއަށް ހަމަޖައްސައި ދިންކަމަށްޓަކައި ދިވެހި ސަރުކާރަށް ޝުކުރު އަދާކުރައްވައިފައެވެ.  

ޗައިނާއަކީ ރާއްޖޭގެ ޢުމްރާނީ ތަރައްޤީއަށް އެންމެ ބޮޑަށް އެހީތެރިވަމުން އަންނަ ޤައުމު ކަމަށްވާއިރު އެންމެ ގިނަ އަދަދެއްގެ ފަތުރުވެރިން ރާއްޖެއަށް ޒިޔާރަތްކުރަނީވެސް ޗައިނާއިންނެވެ. ދެ ޤައުމުގެ މެދުގައި ވިޔަފާރީގެ ގުޅުންވެސް އަންނަނީ ބަދަހިކަމާއިއެކު ކުރިއަރައި ތަރައްޤީވަމުންނެވެ.

I and my colleagues feel much delighted at this great news and wish to express gratitude to the support and quick facilitation from the government of the Maldives. Thank u Hon @ibusolih and Hon @abdulla_shahid https://t.co/5ECQrFuoNt

— Amb. Zhang Lizhong (@AmbassadorZhang) October 9, 2019