އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 30 ސިކުންތު
ޚާއްސަ އެހީއަށް ބޭނުންވާ އަންހެނަކަށް ބިދޭސީއަކު ޖިންސީ ގޯނާކުރި މައްސަލައެއް ފުލުހުން ބަލަން ފަށައިފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ، ޚާއްސަ އެހީއަށް ބޭނުންވާ އަންހެނަކަށް ބިދޭސީ ފިރިހެނަކު ޖިންސީ ގޯނާ ކުރިކަމުގެ މައްސަލައެއް މިއަދު މެންދުރު 12:00 ހާއިރު ފުލުހުންނަށް ހުށަހަޅާފައިވާ ކަމަށެވެ. ޖިންސީ ގޯނާ ކޮށްފައިވާކަމަށް ރިޕޯޓު ކޮށްފައިވަނީ އުތުރުގެ ރަށެއްގައި ކަމަށް ވެސް ފުލުހުން މައުލޫމާތު ދެއްވާފައިވެއެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
ފުލުހުން ވިދާޅުވީ މިފަދަ ސެންސިޓިވް މައްސަލަތަކުގައި ހިމެނޭ ފަރާތްތަކުގެ ވަނަވަރު ރައްކާތެރިކުރުމުގެ ގޮތުން ހާދިސާ ހިނގި އަތޮޅާއި ރަށް ހާމަނުކުރާނެ ކަމަށެވެ.
Advertisement
12 ފެބްރުއަރީ 2020