އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 16 ސިކުންތު
މިއަދު ކޮންމެ މީހަކުވެސް އެންމެ ބޮޑަށް ބޭނުންވާނީ ކޮރޯނާ ވައިރަސްގެ ވަބާއިން ސަލާމަތްވެ ހުރުމަށެވެ. ކުރިމަތިވެދާނެ މާލީ ދަތިކަމަކުން ސަލާމަތްވެ ފުދުންތެރިކަމުގައި ހުރުމަށެވެ. މިފަދަ ހުރިހާ ކަމަކަށް އެދިގެންވެސް ފުރަތަމަ ކަމަކަށް ކުރަންވީ ނަމާދެވެ! ރައްކައުތެރިވާންވީ ފަރުޟު 5 ނަމާދަށެވެ. ވާގިއެދެން އޮތީ ނަމާދުންނެވެ.
ﷲ ތަޢާލާގެ މި ވަހީ ބަސްފުޅު މިކަމުގެ ދަލީލަކަށް ފުދެއެވެ.
އަދި ކެތްތެރިކަމާއި ނަމާދުން ތިއަބައިމީހުން ވާގިހޯދާށެވެ! ބިރުވެތިވެ މަޑުމައިތިރިވާ މީހުންނަށް މެނުވީ، ހަމަކަށަވަރުން، އެއީ ވަރަށް ބޮޑުކަމެކެވެ. (އެބަހީ: ދަތި އުނދަގޫ ކަމެކެވެ. (އަލް ބަޤަރާ: 45)
މީސްތަކުންނޭވެ! ކުރިމަތީގައި މިއޮތީ ވަރަށް ވަރުގަދަ އިމްތިޙާނެކެވެ. މިއިމްތިޙާނުން ފާސްވުމަށް އެންމެންވެސް ގަދައަޅައި މަސައްކަތްކުރަން އެބަޖެހެއެވެ. އެކަމަށް އޮތީ ކެތްތެރިވުމާއި ނަމާދުން ވާގިއެދުމެވެ. އެކަން އުނދަގޫކަމަށްވެގެން މިއުޅެނީ ﷲ ތަޢާލާއަށް ބިރުވެތިވެ ހިތްތައް މަޑުމޮޅި ނުކުރެވޭތީއެވެ!
- އިސްލާމީ ތިލަފަތުގެ ދަރުސަކުން
Advertisement
3 އޭޕްރީލް 2020