އާރޓިކަލްކިޔުމަށް ހޭދަވާނެކަމަށް ބެލެވެނީ : 0 މިނެޓް, 39 ސިކުންތު
ހުޅުމާލޭގައި ހުންނަ ސައިޓަކުން ކޭބަލް ނަރުތަކެއް ވަގަށް ނަގަން އުޅުނުކަމުގެ ތުހުމަތުގައި ދެމީހަކު ހައްޔަރުކޮށް މައްސަލަ ތަހުގީގު ކުރަން ފަށައިފިއެވެ.
މިމައްސަލައާ ގުޅިގެން ހައްޔަރުކޮށްފައިވަނީ 26 އަހަރުގެ ފިރިހެނަކާއި 45 އަހަރުގެ ފިރިހެނެކެވެ. މިދެމީހުންނަކީވެސް ދިވެހިންނެވެ.
އެދެމީހުން ހައްޔަރުކޮށްފައިވަނީ ސެޕްޓެމްބަރު 9 ވަނަ ދުވަހުގެ 14:55 އެހާކަންހާއިރު ހުޅުމާލޭ ޕޮލިސްއަށް ލިބުނު މައުލޫމާތަކާ ގުޅިގެން ކުށުގެ ވެށިންނެވެ.
އެދެމީހުން ފުލުހުންގެ ބެލުމުގެ ދަށަށް ގެންގޮސް، އެދެމީހުން ތިބި ތަން ބަލައިފާސްކުރިއިރު ކަރަންޓް ކޭބަލުން ބުރިކޮށްފައިވާ ގިނަ އަދަދެއްގެ ނަރުތަކަކާއި ދުނިކީސް ތިލައަކާއި ނަރުކަނޑާ ކަތުރަކާއި ކަޓަރެއްގެ އިތުރުން ދެ ކަޓަރު ފެނިފައިވެއެވެ.
މިމައްސަލަ ހުޅުމާލެ ޕޮލިސްއިން ދަނީ ތަހުގީގު ކުރަމުންއެވެ
Advertisement
10 ސެޕްޓެމްބަރ 2020