ފިޠުރު ޢީދާއި ގުޅުވައިގެން މިއަދު މާލޭގައި ކުޅުނު ކުޅިވަރުތަކަށް ރައްޔިތުންގެ ވަރަށް ބޮޑު ތަރުހީބެއް ލިބިއްޖެއެވެ. މަގުތައް ފުރެންދެން ޢާއިލާތަކުން ނުކުމެ ކުޅިވަރު ބަލައި އުފާކުރިއެވެ.

ރާއްޖެތެރޭގައި ޢީދު ކުޅިވަރު ކުޅުނު ނަމަވެސް މާލޭގައި ޢީދު ކުޅިވަރު ކުޅުމަކީ ޢާންމުކޮށް ކުރަމުން އަންނަ ކަމެއް ނޫނެވެ. ފަހުގެ ތާރީޚުގައި މިހައި ގިނަ ކުޅިވަރުތަކެއް ކުޅުނު މިއީ ފުރަތަމަ ފަހަރެވެ.

ކުޅިވަރުތަކުގެ ތެރޭގައި ސަޤާފީ ކުޅިވަރުތައް ހިމެނިފައިވާއިރު މިއަދު ކުޅުނު ބައެއް ކުޅިވަރުތަކަކީ މިއިން ޒަމާނަކު މާލެއިން ފެނިފައިވާ ކުޅިވަރުތަކެއް ނޫނެވެ.

ކުޅިވަރުތައް އިންތިޒާމުކޮށްފައިވަނީ ޔޫތް މިނިސްތްރީ އާއި އަމިއްލަ ޖަމާއަތްތައް ގުޅިގެންނެވެ.