އަމްސާ ކަޕުގެ އޮންލައިން މީޑިއާ ޕާޓްނަރއަކަށް މިއަދުނޫސް ހަމަޖައްސައިފިއެވެ.

އަމްސާ ކަޕަކީ އއ. މަތިވެރި އަމްސާ ޖަމިއްޔާއިން އިންތިޒާމްކޮށް ކޮންމެ އަހަރެއްގެވެސް ފިތުރު އީދު ބަންދާއި ގުޅިގެން މުޅިރާއްޖެއަށް ހުޅުވާލައިގެންބާއްވަމުން އަންނަ މުބާރާތެކެވެ.

ދެ ދުވަހުގެ މުއްދަތަކަށް ކުރިއަށް ގެންދިއުމަށް ތާވަލުކޮށްފައިވާ މި މުބާރާތުގައި މިއަހަރު 16 ޓީމެއް ވަނީ ބައިވެރިވެފައެވެ. އެއީ އއ. މަތިވެރިއަށް ނިސްބަތްވާ 10 ޓީމަކާއި އަވަށްޓެރި އއ. ބޮޑުފޮޅުދޫގެ ދެޓީމަކުންނާއި ރާއްޖޭގެ ފުޓްބޯޅައިގެ މަޝްހޫރު ރަށެއް ކަމަށްވާ އދ. މަހިބަދޫގެ ޓީމަކާއި މާލޭގެ ދެޓީމަކާއި އދ. ހަންޏާމީދޫގެ ޓީމެކެވެ.

މިމުބާރާތުގެ ގުރުއަތުލުމުގެ ރަސްމިއްޔާތު ބޭއްވުމަށް ނިންމާފައިވަނީ ޖޫން 20 ވާ އަންގާރަ ދުވަހުގެ ރެއެވެ.

މި މުބާރާތުގެ އިތުރުން ޅ. ހިންނަވަރުގައި މިހާރު ކުރިއަށްދާ އެކްސް ފުޓްސަލް ޗެލެންޖުގެ އޮންލައިން މީޑިއާ ޕާރޓްނަރއަކީވެސް މިއަދުނޫސް އޮންލައިންއެވެ.