މަރުވެ ކުނިވެފައޮތް 10 މީހެއްގެ ހަށިގަނޑު ޖަޕާނަށް ލައްގައިފި

އާރޓިކަލްކިޔުމަށް ހޭދަވާނެކަމަށް ބެލެވެނީ : 0 މިނެޓް, 29 ސިކުންތު

މަރުވެ ގިނަ ދުވަސްތަކެއް ވެފައިވުމުން ކުނިވެފައިވާ 10 މީހެއްގެ ހަށިގަނޑު ޖަޕާނުގެ ގޮނޑޮދޮށަށް ލައްގައިފިއެވެ.

ސިފައިން ބުނީ އެތަނުން ބައެއްގެ މީހުން ބެލްޓުތެރެއިން އުތުރުކޮރެއާގެ ދުންފަތާއި އެހެންވެސް ބައެއް ތަކެތި ފެނިފައިވާ ކަމަށެވެ. އަދި އެސަރަހައްދުން އުތުރު ކޮރެއާގެ މަސްބޯޓެއްގެ ބައިތަކެއްވެސް ފެނިފައިވާ ކަމަށެވެ. ބޯޓުގައި ހުރި އާލާތަށް ބަލާއިރު އެއީ ބޯވަދިލަމަސް ބާނަން ބޭނުންކުރާ އާލާތް ކަމަށްވެސް ސިފައިން ބުނެއެވެ.

އެހެންކަމުން މަސްވެރިކަމަށް ނުކުމެ އުޅުނު އުތުރު ކޮރެއާގެ މަސްވެރިންގެ ބައެއް ކަމަށް ވަނީ ލަފާކުރެވިފައެވެ.