މަގުމައްޗަށް ނުކުންނަން ރައްޔިތުންނަށް މަޖުބޫރުވީ ރައްޔިތުންގެ މަޖިލީހާއި ޖޫޑިޝަރީ ސަރުކާރުން ހިސޯރުކުރުމުން ކަމަށް މަކުނުދޫ ދާއިރާގެ މެންބަރު އަނާރާ ނަޢީމް ވިދާޅުވެއްޖެއެވެ.

އަނާރާ މިމޭރުމުން ވިދާޅުވެފައިވަނީ ސްޕްރީމް ކޯޓުގެ ފަސް ފަނޑިޔާރުންގެ އިއްތިފާޤުން ފެބްރުއަރީ 1 ވަނަ ދުވަހު ނެރުއްވި އަމުރު ތަންފީޒު ކުރުމަށް ސަރުކާރަށް ގޮވާލަން ނުކުންނަ ރައްޔިތުން މަޖީދީ މަގަށް ނުކުންނަން ފަށާފައި ވަނިކޮށެވެ.

ޕީޕީއެމުންނާއި ސަރުކާރަށް ތާއީދުކުރާ މީހުން ގެންދަނީ އިދިކޮޅު ފަރާތްތަކުން މަޖީދީމަގަށް ނުކުންނާތީ އެކަން ކުށްވެރިކުރަމުންނެވެ. އެއީ މީހުންނަށް އުނދަގޫކުރަން ކުރާ ކަމެއް ކަމަށްވެސް ބުނަމުންނެވެ. ޕީޕީއެމުން މިއަދުވެސް ބުނީ ކުރިއަށް އެންގުމަކާއި ނުލައި އެއްވެވޭނީ އަލިމަސް ކާނިވަލަށް ކަމަށެވެ.

އިދިކޮޅު ފަރާތްތަކުން ބުނަނީ ކުރިން ހުއްދަ ނުނަގައި އެއްވެވޭތަނަކަށް އެއްވަން ނުވަތަ އަލިމަސް ކާނިވަލުގައި ބާއްވަން މިހާރުވެސް އެތައް ބައިވަރު ސިޓީއެއް އެކި ފަހަރުމަތިން ފޮނުވާފައިވާ ކަމަށާއި ނަމަވެސް ހުއްދަ ދީފައި ނުވާ ކަމަށެވެ. އެމްޑީޕީ ހަރުގެ ކުރިމައްޗަށް އެއްވި ނަމަވެސް ފުރުޞަތު ނުދޭ ކަމަށެވެ.

Alhugandumen magumachah nikunnan majbooru kuree Sarukaaruge amaluthah. Majilihaai judiciary hisoru kuri kurun.

— Anara Naeem (@AnaraNaeem) March 3, 2018