އެއްބުރުން އިންތިޚާބު ކާމިޔާބުކުރަން ކޯލިޝަން އޮތީ ވަރަށް ބަދަހި ގުޅުމަކުން ގުޅިގެން: ޑރ. މަޢްޞޫމް
އެއްބުރުން އިންތިޚާބު ކާމިޔާބުކުރަން ކޯލިޝަން އޮތީ ވަރަށް ބަދަހި ގުޅުމަކުން ގުޅިގެން: ޑރ. މަޢްޞޫމް
އާރޓިކަލްކިޔުމަށް ހޭދަވާނެކަމަށް ބެލެވެނީ : 0 މިނެޓް, 48 ސިކުންތު
މިއަހަރުގެ ރިޔާސީ އިންތިޚާބު އެއް ބުރުން ކާމިޔާބުކުރުމަށްޓަކައި ގުޅިގެން މަސައްކަތްކުރަން ކޯލިޝަން އޮތީ ވަރަށް ބަދަހި ގުޅިމަކުން ގުޅިގެން ކަމަށް ޖުމްހޫރީ ޕާޓީގެ ނައިބް ރައީސް ޑރ. ޢަބްދުﷲ މަޢްޞޫމް ވިދާޅުވެއްޖެއެވެ.
ޑރ. މަޢްޞޫމް މިރޭ ވިދާޅުވީ ކޯލިޝަނުގައި ހިމެނޭ 4 ޕާޓީވެސް މިހާރު ވަނީ ވާދަވެރިކަމެއްގެ ތެރެއިން އެކުވެރިކަމުގެ ތެރެއަށް އައިސްފައި ކަމަށާއި 4 ޕާޓީވެސް އަތުކުރި އޮޅާލައިގެން މަސައްކަތް ކުރަމުން ގެންދަނީ ކޯލިޝަނަށް އެންމެ ފަސޭހައިން އިންތިޚާބު ކާމިޔާބުކުރެވޭނެ ގޮތަށް ކުރިއަށް ދިއުމަށް ކަމަށެވެ.
"ޕާޓީތަކުގެ އެތެރޭގެ ކަންކަން ވެސް މިހާރު މިވަނީ ވާދަވެރިކަމުން އެކުވެރިކަމަށް ބަދަލުވެފަ. އަދި ކޯލިޝަނުގެ ގުޅުންތައްވެސް މިހާރު ކުރިއަށް މިގެންދެވެނީ އެ އުޞޫލުން. ކޯލިޝަނުގައިވެސް މިހާރު އޮތީ ވާދަވެރިކަމެއް ނޫން. އެކުވެރިކަން."
ޖުމްހޫރީ ޕާޓީން މަސައްކަތް ކުރާނީ އަދި ކަންކަން ނިންމާނީވެސް ހަމަ އެ ރޫޙުގައިި ކަމަށްވެސް ޑރ. މަޢްޞޫމް ވިދާޅުވިއެވެ.
ޚަބަރާއިގުޅޭ އިތުރު ލިޔުންތައް
އަބްދުއްލަތީފް
7 ޖުލައި 2018
ފަޝީ 2018-07-07 23:01:28