މަސައްކަތްކުރާ ވަގުތު ގިނަވުމަކީ ގިނަބައަކު މަރުވާން މެދުވެރިވާ ސަބަބެއް ކަމަށް ޑަބްލިޔޫއެޗްއޯ އިން ހާމަކޮށްފިއެވެ. 

އެޖަމިއްޔާއިން ބުނެފައިވަނީ މަސައްކަތްކުރާ ވަގުތު ގިނަވުމުގެ ސަބަބުން ހާޓްއެޓޭކާއި ސްޓްރޯކް ޖެހިގެން 2016 ވަނަ އަހަރު މަރުވި ކަމަށާއި އެއަދަދަކީ 2000 ވަނައަހަރަށްވުރެ 29 އިންސައްތަ އިތުރު ޢަދަދެއް ކަމަށެވެ. އަދި ހަފްތާއަކު 55 ގަޑިއިރަށްވުރެ އިތުރަށް މަސައްަތްކުރަންޖެހޭނަމަ މިނުރައްކަލުގެ ތެރެއަށް ވެއްތުމުގެ ފުރުޞަތު އެބައޮތްކަމަށެވެ. މިއީ ހަފްތާއަކު 6 ދުވަހު މަސައްކަތްކުރާކަމަށް ބަލައިފިނަމަ ދުވާލަކަށް 9 ގަޑިއެއްހައިއިރެވެ. 

2000 ވަނައަަހަރުން ފެށިގެން 2019 އަށް ބަލައިފިނަމަ މީހެއްގެ އެވްރެޖް އުމުރު 66.8 އަހަރުން 73.3 އަހަރަށް އިތުރުވެފައިވާކަންވެސް ފާހަގަކޮށްފައިވެއެވެ. 

ކޮވިޑް-19 އާއި ގުޅިގެން ތަފާސްހިސާބުތަކަށް ބޮޑެތި ބަދަލުތައް އަތުވެދާނެކަންވެސް ވަނީ ރިޕޯޓުގައި ފާހަގަކޮށްފައެވެ.