ދިވެހިރާއްޖޭގެ އިސްލާމީ ޔުނިވަރިސީޓީން ޕީއެޗްޑީ ޙާޞީލްކުރެއްވެވި ފުރަތަމަ 3 ދަރިވަރުންކަމުގައިވާ މުޙައްމަދު ރަޝީދު އިބްރާހީމް، މޫސާ އަންވަރު ޙަސަން، އަދި އަނާރާ ނަޢީމް އަށް ހޫނު މަރުޙަބާއެއް އަރިސްކުރަމެވެ.

1 - އަނާރާ ނަޢީމް    

ދަރިވަރު އައިޑީ: IUM001636

ނިމުނު އަހަރާއި ސެމިސްޓަރ: 2020 ދެވަނަ ސެމިސްޓަރ

ދިރާސާގެ މައުޟޫޢު: " ދިވެހިރާއްޖޭގެ ވެރިކަންކުރުމުގެ ޑިމޮކްރެޓިކް ނިޒާމު ޝަރުޢީ ސިޔާސަތުގެ ޢަލީގައި"

"ޑޮކްޓަރ އޮފް ފިލޯސޮފީއިން އިސްލާމިކް ޖޫޑިޝަލް ސައިންސް އެންޑް ލެޖިސްލޭޓިވް ޕޮލިސީ" 

ޝުކުރިއްޔާ.

2. މުޙައްމަދު ރަޝީދު އިބްރާހީމް

ދަރިވަރު އައިޑީ: IUM003360

ނިމުނު އަހަރާއި ސެމިސްޓަރ: 2020 ދެވަނަ ސެމިސްޓަރ

ދިރާސާގެ މައުޟޫޢު: "ދިވެހިރާއްޖޭގައި ޢާއިލީ މައްސަލަތަކާއި އޭގެ ޙައްލު: އިސްލާމީ ޝަރީއަތުގެ އަލީގައި"

- ޑޮކްޓަރ އޮފް ފިލޯސަފީ އިން ފިޤްހް އެންޑް އުސޫލުލް ފިޤްހް-ކުއްލިއްޔާ އޮފް އިސްލާމިކް ރިވީލްޑް ނޮލެޖް އެންޑް ހިއުމަންސައިންސަސް 

ޑޮކްޓަރ އޮފް ފިލޯސަފީ އިން އިސްލާމިކް ޖުޑީޝަލް ސައިންސަސް އެންޑް ލެޖިސްލޭޓިވް ޕޮލިސީ – ކުއްލިއްޔާ އޮފް ޝަރީޢާ އެންޑް ލޯ

3 - މޫސާ އަންވަރު ޙަސަން    

ދަރިވަރު އައިޑީ: IUM001599

ނިމުނު އަހަރާއި ސެމިސްޓަރ: 2020 ދެވަނަ ސެމިސްޓަރ

ދިރާސާގެ މަޢުޟޫޢު: "މަސްތުވާތަކެތި ފެތުރެން މެދުވެރިވާ ސަބަބުތަކާއި، އޭގެ އަސަރުތަކާއި، ދިވެހިރާއްޖޭގެ ޤާނޫނުގައި އޭގެ ޢުޤޫބާތާއި، މައްސަލައިގެޙައްލު ޝަރުޢީސިޔާސަތުގެ އަލީގައި: ތަޙްލީލީދިރާސާއެއް."

ޑރ. އަނާރާ ނަޢީމް އާއި ޑރ. މޫސާ އަންވަރު ޙަސަން އަކީ އެކި ގޮތްގޮތުން މިއަދުނޫހަށް އެހީތެރިވެދެއްވާ ދެ ބޭފުޅުންކަން ފާހަގަކޮށް ﷲ ތަޢާލާ އަށް ޙަމަދުކުރާ ޙާލް ހޯދެވި ކާމިޔާބީއަށް މަރުޙަބާ އަރިސްކުރަމުއެވެ. 

ޑރ. މުޙައްމަދު ރަޝީދަށް ދަންނަވާލަން އޮތީ ތިއަ އުމުރުގައިވެސް ތިއަ ދައްކަވައިދެއްވީ މަނިކުފާނުގެ ޤާބިލްކަން ކަމެވެ. ވީއިރު ﷲ ތަޢާލާ ދެއްވެވި ކުޅަދާނަކަން ރަނގަޅު ގޮތުގައި ބޭނުންކުރައްވައި އެއް ދޫފުޅަކުން ކަންކަން ބަޔާންކުރައްވައި ﷲ ތަޢާލާގެ ދީނަށް ނަޞްރު ދެއްވަވަން މަސައްކަތްކުރައްވުމުގައި ހަރުދަނާވެވަޑައިގަންނަވާނެ ކަމަށް އުންމީދުކުރެވެއެވެ. 

ކޮންމެ ކަމެއްގައިވެސް ސަރުކާރަށްވުރެ ﷲ ތަޢާލާއަށް ބިރުވެތިވުމުގެ މުހިންމުކަމުގެ މައްޗަށް ވަރަށް އަވަހަށް ދަރުސެއް ދެއްވާނެކަމަށް ގިނަ ބައަކު ދަނީ އުންމީދުކުރަމުންނެވެ.