ކެންސަރާއި އެހެންވެސް ބައެއް ބަލިތައް ދެނެގަންނަން ހަދަން ޖެހޭ ޕެޓް ސްކޭން ގެ ޚިދުމަތް ހޯދަން ރާއްޖެއިން ބޭރަށް ދާންޖެހުން އޭޑީކޭ ހޮސްޕިޓަލުން ނިމުމަކަށް ގެނެސްދީފިއެވެ. 

އެހޮސްޕިޓަލުން މިމަހުގެ 25 ވަނަ ދުވަހު ތައާރަފްކުރި ޕެޓް ސްކޭންގެ ޚިދުމަތް ރާއްޖެއިން ލިބެން ފެށުމުން ކެންސަރާއި އެހެންވެސް ބައެއް ބަލިތައް ފެތުރިފައިވާ މިންވަރާއި ފަރުވާއިން ލުއިވަމުން އަންނަވަރު ދެނެގަންނަން ހަދަންޖެހޭ ޕެޓް ސްކޭން ހެދުމަށް ރާއްޖެއިން ބޭރަށް ދާންޖެހުން ނިމުމަކަށް އައީއެވެ. 

އެކަމުގެ ސަބަބުން ފަރުވާ ލިބުން އަވަސްވެ ޖީބުތަކަށް ލުއިވެގެންދާނެއެވެ. އެއީ އެފަދަ ޚިދުމަތެއް ހޯދަން ރާއްޖެއިން ބޭރަށް ދާންޖެހިއްޖެނަމަ އާސަންދަ ލިބުނަސް އަމިއްލަ އަތުން ބޮޑު ޚަރަދެއްކުރަން ޖެހިފައި މިހާރު އެ ޚަރަދު އަމިއްލަ އަތުން ކުރަން ނުޖެހޭނެތީއެވެ. 

މިޚިދުމަތް ތަޢާރަފްކުރަން އޭޑީކޭ ހޮސްޕިޓަލުގައި މިޚިދުމަތްދޭން ޚާއްޞަކޮށްފައިވާ ތަނުގައި ބޭއްވި ނޫސްވެރިންގެ ބައްދަލުވުމުގައި މެނޭޖިންގ ޑިރެކްޓަރު އަޙްމަދު އައްފާލް ވިދާޅުވީ މި ޚިދުމަތް ޢާސަންދައިގެ ހިމެނުމަށް މަސައްކަތްކުރެވެމުން އަންނަ ކަމަށާއި މިހާރުވެސް އެންސްޕާ ޢާއި ގުޅިގެން ކަންކަން ކުރިއަށް ގެންދަން މަސައްކަތްކުރާ ކަމަށެވެ. 

މިއީ ބަލިޖެހިފައިވާ މީހާގެ ޙާލަތަށް ބަލައި ނިޔުކްލިއަރ ހިމެނޭ އިންޖެކްޝަނެއް ނުވަތަ ބޭހެއް ދީގެން ހަދާ ޚާއްޞަ ޓެސްޓެކެވެ. އެހެންކަމުން މިކަމަށް ޚާއްޞަ އިންތިޒާމުތައް މިހާރު އެ ހޮސްޕިޓަލުގައި ވަނީ ހަމަޖައްސައިފައެވެ. 

ޢައްފާލް ވިދާޅުވީ ރާއްޖެއިން މިހާރު ލިބެން ނެތް ތަފާތު ޚިދުމަތްތައް އޭޑީކޭ ހޮސްޕިޓަލުން ވަނީ ދާދިފަހުންވެސް ތަޢާރަފްކޮށްފައި ކަމަށާއި މިއީވެސް އެކަމަށް ކުރަމުން ގެންދާ މަސައްކަތްތަކަށް ލިބުނު އިތުރު ކުރިއެރުމެއް ކަމަށެވެ. 

ޢައްފާލް އާ ޑރ. ނިޔާފްގެ ފަރުވާއާބެހޭ ތަފްޞީލްތައް ހިމެނޭ ވާހަކަފުޅު:

Today's momentous press conference marks the introduction of our latest advancement at ADK Hospital:

State of the art PET-CT Scanner#ADKHospital #Healthcare #PETCTSCAN pic.twitter.com/XL8MEeEisH

— ADK Hospital (@ADKHospital) July 25, 2023