ހިއްސާއަކަށް 80 ރުފިޔާ ބަހަން އެސްޓީއޯއިން ނިންމައިފިއެވެ.

ވެލާނާ އިންޓަރނޭޝަނަލް އެއަރޕޯޓުގެ ނޫވިލު ސީޕްލޭން ޓާރމިނަލްގެ ނިރީ ލައުންޖުގައި ބޭއްވި އެސްޓީއޯގެ އަހަރީ އާންމު ޖަލްސާގައި ހިއްސާއަކަށް 80 ރުފިޔާ ބަހަން ފާސްކުރީ 99 އިންސައްތަ މީހުންގެ ވޯޓުންނެވެ. މިއީ އެކުންފުނިން ފާއިތުވި 17 އަހަރުގެ ތެރޭގައި ހިއްސާގެ ފައިދާގެ ގޮތުގައި ބަހަން ނިންމި އެންމެ ބޮޑު އަދަދެވެ.

2023 ވަނަ އަހަރުގެ ތަފާސްހިސާބަށް ބަލާއިރު، ޓެކްސް ކެނޑުމަށްފަހު އެސްޓީއޯއަށް ސާފު ފައިދާގެ ގޮތުގައި 818 މިލިއަން ރުފިޔާ ވަނީ ލިބިފައެވެ. މިއީ ވެސް އެ ކުންފުންޏަށް ރިކޯޑު އަދަދެއްކަން ފާހަގަ ކުރެވެއެވެ.