ހުޅުމާލޭގައި އިތުރު ތިން ސްކޫލު އިމާރާތްކުރުމުގެ މަސައްކަތް މިއަހަރު ތެރޭގައި ފަށާނެ ކަމަށް އެޑިއުކޭޝަން މިނިސްޓަރު ޑރ. އިސްމާއީލް ޝަފީއު ވިދާޅުވެއްޖެއެވެ.

މިނިސްޓަރު މި މަޢުލޫމާތު ދެއްވާފައިވަނީ ހުޅުމާލޭގެ އާބާދީ އިތުރުވަމުންދާތީ، އިތުރު ސްކޫލުތަކުގެ ބޭނުން ޖެހިފައިވާތީއެވެ.

މިނިސްޓަރުގެ ވާހަކަފުޅުގައި، ހުޅުމާލޭގެ ފޭސް 1 އަދި ފޭސް 2 ގައި އެއް ސްކޫލު އަޅާނެ ކަމަށް ވިދާޅުވިއެވެ. އަދި ތިންވަނަ ސްކޫލު އަޅާނެ ތަނަކާ މެދު އަދި ގޮތެއް ނުނިންމާ ކަމަށްވެސް ވިދާޅުވިއެވެ. މިހާރު ހުޅުމާލޭ ފޭސް 2 ގައި ހުރީ ސަލާހުއްދީން ސްކޫލް އެކަނި ކަމަށް ފާހަގަކުރެއްވިއެވެ.

މިނިސްޓަރު އިތުރަށް ވިދާޅުވީ، މި ސްކޫލުތައް ބިނާކުރުމުގެ މަސައްކަތް ފެށުމުގެ ކުރިން، އިމާރާތްކުރުމަށް ބޭނުންވާނެ ފައިސާ ހަމަޖައްސަން ޖެހޭ ކަމަށެވެ. އަދި ދިގު މުއްދަތަކަށް ބަލާއިރު، ހުޅުމާލޭގައި ޖުމްލަ ހަތް ސްކޫލު އަޅަން ބޭނުންވާ ކަމަށްވެސް ވިދާޅުވިއެވެ.

މި މަޝްރޫޢުތަކުގެ ސަބަބުން ހުޅުމާލޭގެ ތަޢުލީމީ ދާއިރާއަށް ބޮޑު ކުރިއެރުމެއް ލިބި، ދަރިވަރުންނަށް ފަސޭހައިން ތަޢުލީމު ޙާޞިލުކުރުމުގެ ފުރުޞަތު ފަހިވެގެންދާނެ ކަމަށް ބެލެވެއެވެ.