ރާއްޖޭގެ އޭވިއޭޝަން ސިނާޢަތުގެ ތާރީޚީ މުހިންމު ބައެއް ކަމުގައިވާ އެއަރ މޯލްޑިވްސްގެ ޑޯނިއާ 2 މަތިންދާ ބޯޓު ކުޑަގިރި ފަޅުތެރެއަށް ފައްތައި، އައު ޑައިވް ސައިޓެއް ހުޅުވާލައިފިއެވެ. "ކުޑަގިރި ދޫނިއާ ރެކް" ގެ ނަމުން މިސައިޓު ހުޅުވާޅުވާލީ އިއްޔެއެވެ.

މި ޑައިވް ސައިޓަކީ ރާއްޖޭގެ ފަތުރުވެރިކަން އިތުރަށް ކުރިއެރުވުމަށް ސަރުކާރުން ކުރަމުންދާ މަސައްކަތުގެ ތެރެއިން، އެމްއެމްޕީއާރްސީ، އެޗްޑީސީ އަދި އެމްޓީސީސީ ގުޅިގެން ތަރައްޤީކޮށްފައިވާ ސައިޓެކެވެ. މިސައިޓުގައި ވަނީ ރާއްޖޭގެ އޭވިއޭޝަން ސިނާޢަތު ފެށުނުއިރު ބޭނުންކުރި ޑޯނިއާ 228 މާކާގެ ދެ އެއަރކްރާފްޓް މޫދަށް ފައްތާފައެވެ.

A Historic Dive Site Inaugurated!

Today, in collaboration with MMPRC and MTCC, we delightfully inaugurated the Dhoonier Wreck at Kudagiri! This project represents our shared commitment for a brighter future for tourism in Maldives.#Kudagiri #DhoonierWreck #WithHDC pic.twitter.com/il8Tgy3EnF

— Housing Development Corporation (@hdcmaldives) March 15, 2025

އެޗްޑީސީން މަޢުލޫމާތު ދެއްވިގޮތުގައި މިސައިޓަށް މިނަން ދީފައިވަނީ ރާއްޖެއަށް ތާރީޚީގޮތުން ޚާއްސަ ދެ އުޅަނދު ފައްތައިގެން ތަރައްޤީކޮށްފައިވާ ސައިޓަކަށްވެފައި، މި ދެ އެއަރކްރާފްޓަކީ ރާއްޖޭގެ އޭވިއޭޝަން ސިނާޢަތުގެ ފެށުން ކަމަށްވާތީ، އުދުހުން ދޭހަކޮށްދިނުމަށްޓަކައި ދޫންޏަށް ނިސްބަތްކޮށެވެ.

މިސައިޓު ހުޅުވުމުގެ ރަސްމިއްޔާތުގައި ފަތުރުވެރިކަމާއި ތިމާވެއްޓާބެހޭ ވަޒީރު ޠާރިޤު އިބްރާހީމް، އެޗްޑީސީގެ މެނޭޖިންގ ޑިރެކްޓަރ މުޙައްމަދު މަޢުރޫފް ޖަމީލް އަދި އުރީދޫ މޯލްޑިވްސްގެ އިސްވެރިން ބައިވެރިވެވަޑައިގެންނެވިއެވެ.

މި އައު ޑައިވް ސައިޓު ހުޅުވާލުމާއެކު، ރާއްޖޭގެ ފަތުރުވެރިކަމުގެ ދާއިރާއަށް އިތުރު ކުރިއެރުމެއް ލިބި، ޑައިވިންގ ޓޫރިޓޫރިޒަމް އިތުރަށް ކުރިއަރައިގެންދާނެ ކަމަށް އުންމީދު ކުރެވެއެވެ. މީގެ އިތުރުން، ރާއްޖޭގެ އޭވިއޭޝަން ތާރީޚުގެ މުހިންމު ބައެއް ދެމެހެއްޓުމަށްވެސް މިކަމުން އެހީތެރިވެދޭނެއެވެ.