އެންމެ ފުރަތަމަ ބަލައިލަންވީ މިމައުލޫމާތަށެވެ!

2018: MVR 105M Profit 2019: MVR 109M Profit 2020: MVR 130M Profit 2021: MVR 104.7M Profit 2022: MVR 106.8M Profit 2023: (MVR 171.9M Loss) 2024: MVR 137.9M Profit  

މި މަޢުލޫމާތަށް ބަލާއިރު 2018 ވަނަ އަހަރު ފައިދާއަށް ލިބުނީ 105 މިލިއަނެވެ. 2019 ވަނަ އަހަރު 109 މިލިއަނެވެ. 2020 ގައި 130 މިލިއަނެވެ. 2021 ވަނަ އަހަރު 104.7 އެވެ. 2022 ވަނަ އަހަރު 106.8 މިލިއަނެވެ.  

2023 ވަނަ އަހަރު 171.9 މިލިއަން ގެއލުމެވެ. 

2024 ވަނަ އަހަރު 137.9 މިލިއަން ފައިދާއެވެ.  

ފާހަގަކުރެވޭ އެއްކަމަކީ މިދިއަ އަހަރުވެސް ރައްޔިތުންނަށް ކަރަންޓުން ޑިސްކައުންޓް ދިނުމުގެ އިތުރުން ރައްޔިތުންނަށް ފައިޑާހުރި ގިނަ ކަންތައްތަކެއް ކޮށްދިނުމަށްފަހުގައި ފައިދާއަށް އެވަނީ ރެކޯށޑް ޢަދަދެއް ހޯދާފައި ކަމަށެވެ. އެމްޑީޕީގެ ވެރިކަމުގައި އެންމެ ބޮޑު ފައިދާއެއް ލިބުނު އަހަރުވެސް ލިބިފައި އެވަނީ 2020 ވަނަ އަހަރު 130 މިލިއަން ރުފިޔާއެވެ. އެއީ ކޮވިޑާއިގުޅިގެން އެންމެ ނިކަމެތި ޙާލުގައި ރައްޔިތުންނަށް އުޅެންޖެހުނު އަހަރެވެ. ކަރަންޜޓް ބިލުން ޑިސްކައުންޓެއް ނުދީ ރައްޔިތުންގެ ޖީބުތަކުން ނަގައި އެއޮތީ ފައިދާ އިތުރުކޮށްފައެވެ.

މިގޮތަށް ހިސާބު ޖައްސަވާށެވެ! 2022 ވަނަ އަހަރު ފައިދާއަށް ލިބުނު 107 މިލިއަނެއްހައި ރުފިޔާގެ ބަދަލުގައި އެންމެ ރުފިޔާއެއްވެސް ފައިދާ ނުވީއެވެ. ވީމާ އެބައި އެދިއަ މަގަކުން ގޮސް އެއޮތީ ނިމިފައެވެ. ދެން އޮތީ ފައިދާ ނުވިތަނުގައި 171.9 މިލިއަން ގެއްލުންވުމެވެ. އެހެންވީމާ އެދިއަ ގޮތަކަށް ގޮސް ފިލި ޢަދަދު މިއުޅެނީ 280 މިލިއަން ރުފިޔާ އާއި ޣާތުގައެވެ.

އެދިއަ މަގަކުންގޮސް ސްޓެލްކޯއަށް މިހައި ބޮޑަށް ގެއްލުންވެ ދަރަނިވެރިވެފައިވަނިކޮށް ދެން މިފެނުނީ ރައީސް ޑރ. މުޙައްމަދު މުޢިއްޒު ދެއްވަވާ އިރުޝާދަށް އެމްޑީ ޙުސައިން ފަހުމީގެ ކައްޕިތާނު ކަމުގައި ސްޓެލްކޯ ހިންގަން ފަށައި އަދި ސްޓެލްކޯ އޮޑީގެ ހުރިހާ ފަޅުވެރިން ކުރި މިންނަތް މަސައްކަތުން 137.9 މިލިއަން ރުފިޔާގެ ފައިދާއެއް ހޯދިތަނެވެ.

ޙުސައިން ފަހުމީ ވިދާޅުވީ މިއީ ރައްޔިތުންނަށް ޚިދުމަތްދޭ ކުންފުންޏަކަށްވާތީ ފައިދާ އިތުރުކުރުމަށް ރައީސް ޑރ. މުޙައްމަދު ބޭނުންފުޅުނުވާ ކަމަށާއި އެހެންވެ ރައްޔިތުންގެ ބިލުން ޑިސްކައުންޓް ދިނުމާއި އެހެނިހެންވެސް އެތައް ޚިދުމަތްތަކެއް ރައްޔިތުންނަށް ކޮށްދެއްވަމުން ގެންދަވާ ކަމަށެވެ. "އެހައިވަރަށް ކަންކަން ލުއިކޮށްދިނީމާވެސް ކުރީ 5 އަހަރަށްވުރެ ރަނގަޅު ނަތީޖާއެއް މިފެނުނީ. އެއީ ސްޓެލްކޯގެ މުވައްޒިފުންގެ އިޚްލާޞްތެރިކަމާ ތެދުވެރިކަމުން ހޯދުނު ކުރިއެރުމެއް!"

މިމޭރުމުން ފަހުމީ ވިދާޅުވެފައިވާއިރު ލޯނަރުވަގުން ސްޓެލްކޯގެ ސަބްސްޓޭޝަންތަކަށް ގެއްލުންދީ ވައްކަންކުރުމުގެ ސަބަބުން މިދިއައަހަރުވެސް ވަނީ އެތައް މިލިއަން ރުފިޔާއެއްގެ ގެއްލުން ލިބިފައެވެ.

މިހާރުގެ ސްޓެލްކޯގެ މިކާމިޔާބީއަކީ މުޅި ތާރީޚުގައި ރަމަޟާން މަހަށް ކަސްޓަމަރުންނަށް ފުރަތަމަ ފަހަރަށް ދިން ޑިސްކައުންޓް ދިނުމާއިވެސް އެކުގައި ހޯދިކާމިޔާބީއަކަށްވުމުން މިހާރުގެ ސްޓެލްކޯގެ ޓީމުގެ ޤާބިލުކަމާއި އިޚްލާޞްތެރިކަން ފާހަގަކުރަންޖެހެއެވެ.   

ދެން ބަލައިލަންވީ ބިލް ބޮޑުވާ ކަމުގެ ޝަކުވާއަށެވެ. އެޝަކުވާއަކީވެސް އަބަދުވެސް އޮންނަ ޝަކުވާއެކެވެ. އެ މައްސަލަ ޙައްލުކުރަންވެސް އެންމެ ބޮޑަށް މަސައްކަތްކުރެވެމުން އަންނަނީވެސް މިދައުރުގައެވެ. ބޭނުން ކޮންމެ ވަޤުތަކު ރީޑިންގ ބަލައިލެވޭނެ ސްމާޓް މީޓަރުތައް އެހުރީ ރެޑީގައެވެ. ސްމާޓް މީޓަރުތަކާއިއެކު ކަސްޓަމަރުންގެ ކަންބޮޑުވުންތަކަށް ވަރަށް ބޮޑު ޙައްލެއް ލިބިގެންދާނެއެވެ.