އެންމެންގެވެސް ޢަޒުމަކަށްވާންވާނީ ކޮންމެ ކުއްޖަކަށްވެސް އަމާން ރައްކާތެރި އުފާވެރި ވެށްޓެއް ހޯދައިދިނުމަށްކަމަށް ތަޢުލީމީ ވަޒީރު ޑރ. އިސްމާޢީލް ޝަފީޢު ވިދާޅުވެއްޖެއެވެ. މިއަދު ފާހަގަކުރާ ކުޑަކުދިންގެ ދުވަހާ ގުޅިގެން ދެއްވި ޚާއްސަ ވީޑިއޯ މެސެޖެއްގައި ވަޒީރު މިވާހަކަ ވިދާޅުވެފައިވެއެވެ.

ވަޒީރުގެ މެސެޖުގައި، ކުޑަކުދިންގެ ދުވަހުގެ އުފާވެރި މުނާސަބަތުގެ ހެޔޮއެދުމާއި ތަހުނިޔާއާއި މުބާރަކްބާދީ ރާއްޖޭގެ ހުރިހާ ކުޑަކުދިންނަށް އަދި ރާއްޖޭގެ ހުރިހާ ދަރިވަރުންނަށް ދަންނަވާފައިވެއެވެ. އަދި ކުޑަކުދިންނަށް އަމާން، ރައްކާތެރި ވެށްޓެއް ހޯދައިދިނުމަށް އެންމެން ގުޅިގެން މަސައްކަތް ކުރުމުގެ މުހިންމުކަން ފާހަގަކުރައްވާފައިވެއެވެ.

"މިކަން އަޅުގަނޑުމެންނަށް ޙާސިލްކުރެވޭނީ ދިވެހިރާއްޖޭގެ ހުރިހާ މުދައްރިސުންނާއި، ރަށްރަށުގެ ކައުންސިލަރުންނާއި، ބެލެނިވެރީންނާއި، އަދި މިނިވަން މުއައްސަސާތަކުގެ އެންމެން ގުޅިގެން ކުރެވޭ މަސައްކަތުން،" ވަޒީރު ޑރ. އިސްމާޢީލް ޝަފީޢު ވިދާޅުވިއެވެ.

ވަޒީރު އިތުރަށް ވިދާޅުވީ، ކުޑަކުދިންނަށް އަމާން، ރައްކާތެރި ވެށްޓެއް ހޯދައިދިނުމަށް އެންމެން ގުޅިގެން މަސައްކަތް ކޮށްފިނަމަ، އެކުދިންނަށް ހޯދައިދެވޭނީ އުފާވެރި މުސްތަޤްބަލެއްކަމަށާއި، ބިނާވާނީ ޤައުމައިގެން ކުރިއަށްދާނެ އޮށްޓަރު ހުރި ޖީލެއްކަމަށެވެ.

މި މެސެޖުން ފާހަގަވެގެންދަނީ، ކުޑަކުދިންގެ ރައްކާތެރިކަމާއި ދުޅަހެޔޮކަމަށް ސަރުކާރުން ދެއްވާ އަހައްމިއްޔަތުކަމާއި، މިކަމުގައި މުޖުތަމަޢުގެ ހުރިހާ ފަރާތްތަކެއްގެ އެއްބާރުލުން ބޭނުންވާކަމެވެ.